00:00:00 IGIHE NETWORK KN KINYARWANDA EN ENGLISH FR FRANCAIS

USA: Trump arashaka kwirukana umunyamabanga wa Leta ushinzwe ububanyi n’amahanga

Yanditswe na Herve Ugirumukunda
Kuya 1 Ukuboza 2017 saa 08:18
Yasuwe :

Perezida wa Leta Zunze Ubumwe za Amerika, Donald Trump, aravugwaho kurakarira Umunyamabanga wa Leta ushinzwe Ububanyi n’Amahanga, Rex Tillerson, akaba ashaka kumwirukana mu gihe cya vuba.

Umwe mu bakurikiranira hafi ibibera muri White House muri iki gihe, yabwiye CNN ko Trump ashaka kubanza gusebya Tillerson ashaka urwiyenzo rwatuma akora ikosa akirukanwa.
Hari andi makuru avuga ko Tillerson yatutse Trump akamwita ikigoryi.

Yavuze ko ubuyobozi bwa Trump buri kwiga uko umuyobozi wa CIA Mike Pompeo yasimbura Tillerson mu mugambi watanzwe n’Umuyobozi mukuru w’Ibiro by’Umukuru w’Igihugu, John Kelly.

Biteganyijwe ko iyo ngingo ishobora kuganirwaho mu nama irahuza Trump, Tillerson n’Umunyamabanga Ushinzwe Ingabo, James Mattis, kuri uyu wa Gatanu.

Perezida Donald Trump yakunze kudaha agaciro Rex Tillerson wiyemereye ko yigeze kumutuka.

Ushinzwe itangazamakuru muri White House, Sarah Sanders, ntiyigeze ahakana iby’ayo makuru ahubwo ati “iyo perezida atakarije icyizere umuntu ntakomeza gukora mu mwanya yari arimo.”

Ntiharamenyekana igihe Tillerson azasimburizwa ariko benshi mu bayobozi ba Amerika bavuga ko natagenda mu mpera z’uyu mwaka azabikora mu ntangiriro z’utaha.

Ibi bishimangirwa n’uko ubu White House yatangiye gushaka gusimbuza Pompeo ku buyobozi wa CIA hakajyaho Sen. Tom Cotton wa Arkansas ufatiye runini Perezida Trump ahanini mu bijyanye n’umutekano.

Trump na Tillerson bapfuye ibibazo bihangayikishije Amerika mu mubano n’amahanga muri iki gihe birimo amasezerano na Iran ku guhagarika ikorwa ry’intwaro za kirimbuzi, kubura icyo gukora mu gukemura ikibazo cya Koreya ya Ruguru, n’ukutifata neza k’umubano n’ibihugu by’Abarabu.

Bivugwa ko rimwe batonganye, Tillerson akita Trump umutamutwe undi nawe akamushinja mu ruhame kumutesha igihe atamuha igisubizo gifatika cyo guhirika Perezida wa Koreya ya Ruguru, Kim Jong-Un.

Donald Trump yarambiwe gukorana na Rex Tillerson

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Special pages
. . . . . .