Minisiteri y’Ingabo z’u Burusiya yatangaje guhererekanya imfungwa z’intambara byakozwe ku wa 11 Mata 2026.

Reuters yanditse ko u Burusiya bwahaye Ukraine abasivili barindwi bavuye mu ntara ya Kursk.

Perezida wa Ukraine, Volodymyr Zelenskyy yavuze ko abasirikare batashye bari bari ku rugamba mu bice bitandukanye haba mu Majyepfo n’Iburasirazuba ndetse abenshi muri bo bafashwe kuva mu 2022.

Ku Cyumweru, tariki 12 Mata, mu Burusiya na Ukraine bazizihiza Pasika y’aba-Orthodox. Impande zombi zemeranyijwe ku gahenge k’amasaha 32.

U Burusiya bwavuze ko agahenge gatangira kuva 16h00 kakarangira saa Sita z’Ijoro ryo ku Cyumweru binjira ku wa 13 Mata 2026.