Nyuma yo kugaragara asusumira, Angel Merkel yatangaje ko ameze neza

Yanditswe na Ndayikunda Josué
Kuya 19 Kamena 2019 saa 12:05
Yasuwe :
0 0

Chancelier w’u Budage, Angel Merkel, yatangaje ko ameze neza nyuma yo kugaragara atitira mu muhango wo kwakira Perezida wa Ukraine, Volodymyr Zelensky.

Kuri uyu wa Kabiri tariki ya 18 Kamena 2019 nibwo Merkel yagaragaye atitira i Berlin ubwo haririmbwaga indirimbo zubahiriza ibihugu byombi.

Nkuko byatangajwe n’ibiro Ntaramakuru by’Abongereza, Reuters , Angel Merkel yagaragaye asusumira nk’uwishwe n’imbeho mu gihe hari hari ubushyuhe bwa dogere selisiyusi 30.

Mu kiganiro Angel Merkel yagiranye n’itangazamakuru ari kumwe na Zelensky, yatangaje ko nta kibazo gikomeye afite kuko yanyweye amazi bigahita bishira.

Yagize ati “Nyuma y’ibyabaye, nanyweye ibikombe bitatu by’amazi, birumvikana ko nari nyakeneye. Ubu rero meze neza”.

Angel Merkel uri hafi kuzuza imyaka 65 yabaye Chancelier w’u Budage guhera mu 2005. Manda arimo izarangira mu 2021.

Mu gihe haririmbwaga indirimbo zubahiriza ibihugu byombi, Angel Merkel yari ari gutitira

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza