Coronavirus ku wa 29 Kamena: Abanyamerika barenga ibihumbi 40 banduye mu munsi umwe

Yanditswe na Habimana James
Kuya 29 Kamena 2020 saa 07:32
Yasuwe :
0 0

Ishami ry’Umuryango w’Abibumbye ryita ku Buzima, OMS, rigaragaza ko abandura coronavirus muri Leta Zunze Ubumwe za Amerika bakomeje kwiyongera, nyuma y’aho kuri iki Cyumweru habonetse abanduye bashya 40 540 abandi 285 barapfa.

Ibi byatumye leta zimwe muri iki gihugu zitegeka ko bimwe mu bice bisubizwa muri gahunda ya guma mu rugo.

Guverineri wa Calfornia Gavin Newsom yavuze ko guhera kuri uyu wa Mbere utubari two mu Mujyi wa Los Angeles tugomba kongera gufungwa, kubera ko hakomeje kugaragara iki cyorezo.

Muri Brésil ho handuye abantu 29 313 mu gihe 555 bapfuye.

Ku rwego rw’Isi hamaze kwandura abantu 10 249,307, abandi 504 462 bamaze gupfa.

Leta Zunze Ubumwe za Amerika nicyo gihugu gikomeje kuza imbere mu kugira ubwandu bwinshi bwa Coronavirus kuko bungana na 2 637 077 harimo abantu 128 437 bapfuye, Brésil ni iya kabiri ifite abanduye 1 345 254 abamaze gupfa ni 57 658, ku mwanya wa gatatu hari u Burusiya bufite abanduye 634 437 barimo 9,073 bapfuye.

Muri Afurika, abamaze kwandura Coronavirus ni 385 219 naho 9 698 bamaze gupfa.

Afurika y’Epfo ni iya mbere mu kugira abanduye benshi kuko ari 138 134 barimo 2 456 bapfuye, mu Misiri hamaze kwandura abantu 65 188 barimo 2 789 bapfuye.

Muri Afurika y’Iburasirazuba, Kenya ifite abantu 6 070 banduye barimo 143 bapfuye, Uganda abantu 859 nibo bamaze kwandura, u Rwanda rufite abanduye 900 harimo babiri bapfuye, Tanzania handuye 509 barimo 21 bapfuye, mu Burundi handuye 170 hamaze gupfa umwe naho muri Sudani y’Epfo handuye 1 989, hamaze gupfa 36.

Mu bihugu bituranye n’u Rwanda, Repubulika Iharanira Demokarasi ya Congo ubu niyo yibasiwe cyane, abamaze kwandura ni 6 827 naho abamaze gupfa ni 157.

Umubare w'abanduye n'abakomeje kwicwa na Coronavirus ukomeje kuzamuka muri Leta Zunze Ubumwe za Amerika na Brazil

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Special pages
. . . . . .