Coronavirus ku wa 25 Gicurasi: Abamaze gupfa muri Amerika bageze hafi ku bihumbi 100

Yanditswe na Habimana James
Kuya 25 Gicurasi 2020 saa 08:39
Yasuwe :
0 0

Ishami ry’Umuryango w’Abibumbye ryita ku buzima ku Isi, OMS, ryatangaje ko abamaze kwicwa na Coronavirus muri Amerika ari 99 300 naho abandi 1 686 436 bamaze kwandura.

Iki gihugu kandi cyapfushije abantu 617 kuri iki cyumweru abandi barenga ibihumbi 19 barandura.

Ku rwego rw’Isi, OMS yagaragaje ko abamaze kwandura ari 5 502 606, abandi 346 761 bamaze gupfa naho 2 303 369 nibo bamaze gukira.

Leta Zunze Ubumwe za Amerika kandi nizo zikomeje kuza imbere mu kugira umubare munini w’abanduye n’abamaze gupfa ku Isi, Brésil iri ku mwanya wa Kabiri mu banduye kuko ari 365 213, hamaze gupfa 22 746.

U Burusiya buza ku mwanya wa gatatu kuko bufite abanduye 344 481 hamaze gupfa 3 541, muri Espagne handuye 282 852, hamaze gupfa 28 752, mu Bwongereza handuye 259 559, hamaze gupfa 36 793.

Ku mugabane wa Afurika wose hamaze kugaragara abantu 113 851 banduye Coronavirus, abamaze gupfa basaga 3 375 naho abakize ni 46 306.

Afurika y’Epfo iri imbere mu kugira abafite ubwandu benshi kuko ari 22 583, abamaze gupfa ni 429, ikurikirwa na Misiri ubu ifite abamaze gupfa benshi kuri uyu mugabane, kuko bageze kuri 764 naho abamaze kwandura ni 17 265.

Muri Afurika y’Iburasirazuba, kugeza ubu igihugu kiza imbere mu bwandu bwinshi ni Kenya kuko hamaze kwandura 1 214 hapfuye 51, Tanzania iza ku mwanya wa kabiri, kuko handuye 509 hapfuye 21.

U Rwanda rufite abanduye 327, abamaze gukira ni 237, muri Uganda ubu hari abanduye 198, mu Burundi handuye abantu 42 hapfa umwe naho muri Sudani y’Epfo hamaze kwandura abantu 655 hamaze gupfa umunani.

Abamaze kwicwa na Coronavirus bari hafi kugera ku bihumbi 100 muri Amerika

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Special pages
. . . . . .