OMS ivuga ko ku rwego rw’Isi abamaze kwandura ari 9 359 372 naho abamaze gupfa ni 479 879. Kuri uyu wa Kabiri gusa handuye 166 178.

Leta Zunze Ubumwe za Amerika zo zagize ubwandu bushya 36 015 naho abandi 863 barapfa.

Iki gihugu nicyo gikomeje kuza imbere mu kugira ubwandu bwinshi bwa Coronavirus kuko bangana na 2 424 418 barimo 123 475 bapfuye, Brésil ni iya kabiri ifite abanduye 1 151 479 abamaze gupfa ni 52 771, ku mwanya wa gatatu hari u Burusiya bufite abanduye 599 705 barimo 52 771 bapfuye.

Muri Afurika, abamaze kwandura Coronavirus ni 327 465 naho 8 653 bamaze gupfa.

Afurika y’Epfo ni iya mbere mu kugira abanduye benshi kuko ari 106 108 barimo 2 102 bapfuye, Misiri hamaze kwandura abantu 58 141 barimo 2 365 bapfuye.

Muri Afurika y’Iburasirazuba, Kenya ifite abantu 4 952 banduye barimo 128 bapfuye, Uganda abantu 797 nibo bamaze kwandura, u Rwanda rufite abanduye 798 harimo babiri bapfuye, Tanzania handuye 509 barimo 21 bapfuye, mu Burundi handuye 144 hamaze gupfa umwe naho muri Sudani y’Epfo handuye 1 930 hamaze gupfa 36.

Mu bihugu bituranye n’u Rwanda, Repubulika Iharanira Demokarasi ya Congo ubu niyo yibasiwe cyane, abamaze kwandura ni 6 027 naho abamaze gupfa ni 135.

Abishwe na Coronavirus barenze ibihumbi bitanu mu munsi umwe