Ibiro by’Umukuru w’Igihugu byatangaje ko Perezida Kagame yakiriye Lt Gen Waidi Shaibu ku wa 22 Ukwakira 2026, muri Village Urugwiro.

Ibiganiro byabo byibanze ku gushimangira ubufatanye busanzwe hagati y’u Rwanda na Nigeria mu by’ingabo.

Muri uru ruzinduko, Lt Gen Waidi Shaibu n’itsinda ayoboye banasuye Urwibutso rwa Jenoside rwa Kigali ruherereye ku Gisozi basobanurirwa ibice bigize uru rwibutso, bigaragaza uko Jenoside yakorewe Abatutsi mu 1994 yateguwe ikanashyirwa mu bikorwa, ingaruka yagize ndetse n’urugendo rw’u Rwanda rwo kongera kwiyubaka.