Guinée: Urukiko rwemeje ko Alpha Condé yiyamamariza manda ya gatatu

Yanditswe na IGIHE
Kuya 10 Nzeri 2020 saa 08:10
Yasuwe :
0 0

Urukiko rurinda Itegeko Nshinga muri Guinée Conakry rwemeje ko Perezida Alpha Condé yiyamamariza manda ya gatatu, nyuma ya manda ebyiri yari yemerewe n’Itegeko Nshinga.

Urukiko kandi rwemeje n’abandi bakandida 11 bazahangana na Alpha Condé w’imyaka 82 mu matora ya Perezda ateganyijwe mu kwezi gutaha.

Mu bakandida bandi bemerewe kwiyamamaza, harimo Cellou Dalein Diallo umwe mu batavuga rumwe n’ubutegetsi bakomeye.

Hari hashize amezi benshi mu batavuga rumwe n’ubutegetsi bari mu myigaragambyo bamagana manda ya gatatu ya Alpha Condé, manda yemerewe nyuma yo guhindura Itegeko Nshinga muri Werurwe 2020. Bivugwa ko abantu bagera kuri 30 aribo baguye muri iyo myigaragambyo.

Condé yatorewe bwa mbere kuyobora Guinée mu mwaka wa 2010, yongera gutorerwa manda ya kabiri mu 2015. Kuwa Kabiri w’iki cyumweru Perezida wa Nigeria, Muhammadu Buhari yanenze abategetsi bo muri Afurika y’Iburengerazuba bakomeje kwizirika ku butegetsi, ko ariyo ntandaro y’imvururu zishingiye kuri politiki zihora muri ako karere.

Alpha Condé yemerewe kwiyamamariza manda ya gatatu

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .