Coronavirus kuwa 6 Mata: Abanduye bageze kuri miliyoni 1.2

Yanditswe na Ferdinand Maniraguha
Kuya 6 Mata 2020 saa 09:18
Yasuwe :
0 0

Imibare yakusanyinwe na Kaminuza ya Johns Hopkins igaragaza ko abantu bamaze kwandura Coronavirus hirya no hino ku Isi kugeza mu gitondo cya tariki 6 Mata 2020 ari 1,275,856 mu gihe abamaze gupfa ari 69,498.

Leta Zunze Ubumwe za Amerika ziza ku isonga mu kugira umubare w’abantu benshi bamaze kwandura kuko ari 337637, Espgane ifite abantu 131646, u Butaliyani abanduye ni 128948, u Budage ni 100123 mu gihe u Bufaransa bufite abanduye 93780. Mu Bushinwa umubare w’abanduye ni 82641.

Igihugu gifite abantu benshi bamaze guhitanwa na Coronavirus ni u Butaliyani bufite abantu 15887 , Espagne imaze gupfusha abantu 12641, mu Bufaransa hamaze gupfa abantu 8078 naho mu Bwongereza abamaze gupfa ni 4,934.

Imibare igaragaza ko abantu 262985 bamaze gukira Coronavirus ku isi barimo 77300 bo mu Bushinwa, 38080 bo muri Espagne, abantu 28700 bakize mu Budage n’abantu 22011 bakize muri Iran.

Ku mugabane wa Afurika, abamaze kwandura ni 9029, abapfuye ni 437 naho abakize ni 870.

Afurika y’Epfo niyo ifite umubare munini w’abanduye Coronavirus kuko bangana na 1655, hamaze gupfa abantu 11 naho abakize ni 95.

Muri Algeria hamaze kwandura abantu 1320, hapfuye 152 hakira abantu 90. Mu Misiri handuye abantu 1173, hapfuye 78 mu gihe abakize ari 247. Muri Cameroon handuye abantu 650, hapfa abantu 9 naho abakize ni 17.

Leta Zunze Ubumwe za Amerika nizo ziri ku isonga mu kugira umubare munini w'abanduye Coronavirus

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Special pages
. . . . . .