Ni igikorwa cyitabiriwe n'Umunyamabanga wa Leta muri Minisiteri y'Ububanyi n'Amahanga n'Ubutwererane, Dr Usta Kaitesi, kigamije guha agaciro uruhare rw'abagore mu buyobozi bwa politiki no gushimangira umubano w'ubucuti hagati y'u Rwanda, Espagne na Leta Zunze Ubumwe za Amerika.

Ambasade y'u Rwanda muri Amerika yatangaje ko iki gikorwa cyabaye mu ijoro ryo ku wa 9 Ugushyingo 2026.

Mu butumwa yashyize ku rubuga rwa X mu gitondo cyo ku wa 10 Ugushyingo, iyi Ambasade yagaragaje ko uyu musangiro wari umwanya wo kwizihiza uruhare rw'abagore mu buyobozi no guteza imbere umubano w'ibihugu bitatu.

Nancy Pelosi ni umwe mu bagore bagize uruhare rukomeye muri politiki ya Leta Zunze Ubumwe za Amerika, by'umwihariko mu Nteko Ishinga Amategeko.

Ni we mugore wa mbere mu mateka ya Amerika wabaye Perezida w'Umutwe w'Abadepite, umwanya yagiyeho bwa mbere mu 2007, awuvaho mu 2011, aza kongera kuwujyaho kuva mu 2019 kugeza mu 2023.

Uyu munyapolitiki wo mu Ishyaka ry'Aba-Democrates yatangiye kuba umudepite mu 1987, akaba yarayoboye Aba-Democrates mu Mutwe w'Abadepite mu gihe cy'imyaka 20.

Mu 2024, Pelosi yahawe umudali w'icyubahiro wa Presidential Medal of Freedom na Perezida Joe Biden, mu rwego rwo kumushimira uruhare yagize mu bikorwa by'igihugu.