Ni ikiraro cyubatswe kugira ngo gihuze Gare ya Kimironko n’inyubako izwi nka Kimironko Downtown Development.

Kimironko Downtown Development ni inzu y’amagorofa arindwi iri kubakwa mu Murenge wa Kimironko mu Karere ka Gasabo.

Ni inyubako izakorerwamo imirimo itandukanye nk’ubucuruzi, ibiro, igice cy’imyidagaduro gihereye ku igorofa rya nyuma n’ibindi. Iyi nyubako iri ku buso bwa matero kare ibihumbi 27 yagenewe parikingi ishobora kwakira imodoka 350.

Iki kiraro cyubatswe hagamije gufasha abava muri Gare ya Kimironko kubona aho kunyura horoshye no gufasha abanyamaguru kugera kuri iyi nyubako uko babyifuza.