Ni ibirori kandi byanitabiriwe na Perezida Paul Kagame ndetse na Madamu Jeannette Kagame.

Mu bandi babyitabiriye harimo Bernard Makuza wabaye Minisitiri w’Intebe w’u Rwanda ndetse na Perezida wa Sena n’abandi.

Tito Rutaremara ni umwe bagize uruhare rukomeye mu buyobozi bwa FPR-Inkotanyi, ndetse ni umwe mu banyamuryango b’imena batangiranye nayo mu 1987.

Nyuma yo guhagarika Jenoside yakorewe Abatutsi mu 1994, Tito Rutaremara ni umwe mu bantu bagize uruhare mu gushyiraho politiki z’ubwiyunge, aho yakanguriraga Abanyarwanda kwiyunga, gusenyera umugozi umwe, no kubaka u Rwanda rushya rushingiye ku bumwe n’ubutabera.

Mu mirimo y’ubuyobozi yakoze, harimo kuba umwe mu bari bagize Inteko y’Inzibacyuho hagati ya 1994 na 2000, umwanya yavuyemo ajya kuyobora Komisiyo yari ishinzwe Itegeko Nshinga n’andi mategeko kuva mu 2000 kugera mu 2003.

Yabaye kandi Umuvunyi Mukuru wa mbere mu mateka y’u Rwanda, umwanya yariho hagati ya 2003 na 2011. Muri izo nshingano, yagize uruhare rufatika mu gukangurira abaturage n’inzego z’ubuyobozi kurwanya ruswa no kwimakaza imiyoborere myiza.

Mu 2011, Rutaremara yabaye Umusenateri mbere yo guhabwa inshingano zo kuyobora Urwego rw’Inama Ngwishwanama mu 2019.

Mu kiganiro yigeze kugirana na IGIHE, Tito Rutaremara yavuze ku munsi wa mbere yamenyanye na Perezida Paul Kagame ndetse ashimangira ko ari umuyobozi udasanzwe

Yavuze ko mbere yo kumenya Paul Kagame yabanje kumenya umuryango we cyane cyane mama we kuko bakomokaga mu gace kamwe.

Ati “Njye ababyeyi be nari mbazi cyane cyane mama we kuko yavukaga mu bice by’iwacu, nari mbazi kuko nari na mukuru ariko we (Kagame) ntaramubona.”

Tito Rutaremara yavuze ko nyuma yo guhungira muri Uganda, yongeye kumva amakuru ya Kagame ubwo yigishaga mu ishuri ribanza ryo mu nkambi ya Nshungerezi na Nakivale, muri icyo gihe Kagame we yigaga mu ishuri ribanza rya Rwengoro mu nkambi y’impunzi ya Gahunge, mu Karere ka Kabalore muri Uganda.

Umwarimu (Nyabutsitsi Augustin) wigishaga Kagame icyo gihe yari yariganye na Tito Rutaremara ibijyanye no kwigisha, bityo aza kumenya ko yiga kuri icyo kigo abibwiwe n’uyu mugenzi we.

Ati “Nigishaga mu nkambi za Nshungerezi na Nakivale we icyo gihe yigiraga mu nkambi ya Gahunge, umuntu twari hamwe ni Nyabutsitsi twari twarahunganye hanyuma tujya no kwiga ibyo kwigisha tuti ’reka tujye kwigisha impunzi.’Nyabutsitsi ni we wagiye kwigisha mu nkambi ya Gahunge.”

Gusa muri icyo gihe, Tito Rutaremera na bwo ntiyigeze abonana na Paul Kagame amaso ku yandi kugeza ubwo agiriye i Burayi.

Muri iki kiganiro Tito Rutaremara yavuze ko yabonye bwa mbere Paul Kagame amaso ku maso ubwo urugamba rwo kubohora Uganda rwari rurangiye mu 1986. Muri icyo gihe Tito na we ngo yari yaravuye i Burayi.

Ati “Namubonye bwa mbere avuye ku rugamba intambara ya Uganda irangiye Kampala yafashwe, nanjye mvuye i Burayi, nkajya mubona duhuriye mu nama hari nubwo twajyaga kumureba tukaganira.”

Yavuze ko muri uwo mwaka ari bwo bwa mbere yabonanye na Paul Kagame nyuma batangira kugenda babonana kenshi ndetse birushaho kwiyongera ubwo hatangizwaga gahunda yo gushinga FPR- Inkotanyi.

Tito Rutaremara yavuze ko ku munsi wa mbere abona Paul Kagame yamubonyemo umuyobozi w’umuhanga, ushishoza kandi akamenya gufata icyemezo kiboneye.

Tito Rutaremara yabonye izuba mu 1944. Yize amashuri abanza n’igice kimwe cy’ayisumbuye mu Rwanda. Amashuri yisumbuye na kaminuza yabikomereje muri Uganda, aho yari impunzi.

Nyuma y’aho yaje kujya mu Bufaransa, aho yize icyiciro cya gatatu cya kaminuza ndetse ahakura n’impamyabumenyi ihanitse mu mitegurire y’imijyi n’ibyaro.

Urugwiro rwari rwose hagati ya Perezida Kagame na Tito Rutaremara

Tito Rutaremara ubwo yakiraga Perezida Kagame mu birori bye

Perezida Kagame ubwo yari ageze ahabereye ibi birori

Perezida Kagame na Tito Rutaremara baramukanya

Madamu Jeannette Kagame mu birori by’isabukuru ya Tito Rutaremara

Tito Rutaremara ni umwe mu bakoranye bya hafi na Perezida Kagame

Perezida Kagame yagejeje ijambo ku bitariye ibi birori

Madamu Jeannette Kagame ari kumwe na Tito Rutaremara

Madamu Jeannette Kagame aramutsa umwe mu bo bahuriye muri birori

Tito Rutaremara ni umwe mu inararibonye u Rwanda rufite mu bijyanye na politike

Tito Rutaremara ageza ijambo ku bitabiriye ibi birori bye

Tito Rutaremara yujuje imyaka 80 y’amavuko

Wari umunsi w’akanyamuneza kuri Tito Rutaremara wujuje imyaka 80 y’amavuko

Perezida Paul Kagame aganira na Tito Rutaremara

Madamu Jeannette Kagame na Perezida Paul Kagame bifatanyije na Tito Rutaremara kuri iyi sabukuru ye y’imyaka 80

Benshi mu bitabiriye ibi birori bashakaga kwifotozanya na Perezida Paul Kagame

Madamu Jeannette Kagame ni umwe mu bitabiriye ibi birori

Madamu Jeannette Kagame ni umwe mu bitabiriye ibi birori

Umuyobozi w'Isoko ry'Imari mu Rwanda, Rwabukumba Pierre Célestin, yitabiriye ibi birori

Tito Rutaremara na Jeanne d’Arc Gakuba (uri hagati) wabaye muri Sena y’u Rwanda bafatanye ifoto

Tito Rutaremara aganira n’umwe mu bitabiriye ibirori bye

Tito Rutaremara na Bernard Makuza baramutsanya

Bernard Makuza wabaye mu buyobozi bukuru bw’igihugu aramutsa abo bahuriye muri ibi birori

Tito Rutaremara n’umwe mu bitabiriye ibirori by’isabukuru ye

Bamwe mu bitabiriye ibi birori bagize umwanya wo kwifotozanya na Tito Rutaremara

Ni ibirori kandi byaranzwe n’imbyino gakondo

Ni ibirori kandi byaranzwe n’imbyino gakondo

Umuhanzi Mariya Yohana yaririmbiye abari muri ibi birori

Uyu munsi wahurije hamwe abafite aho bahuriye na Tito Rutaremara

Ibi birori byasusurukijwe n’itorero ry’imbyino gakondo

Wari umunsi w’akanyamuneza ku bitabiriye ibirori by’isabukuru ya Tito Rutaremara

Ibi birori byitabiriwe n’umuryango wa Tito Rutaremara, inshuti n’abo bakoranye

Amafoto: Village Urugwiro