Iyi serivisi ikoresha eSIM, SIM Card ya telefone yo mu buryo bw’ikoranabuhanga. Uyikoresha ahitamo igihugu agiyemo n’ifatabuguzi rimunogeye, akaryishyura, hanyuma agashyira eSIM muri telefone akoresheje application cyangwa QR code.

Kwetu ivuga ko gushyiramo eSIM bisaba internet, kandi ko kuyihuza n’umuyoboro bishobora rimwe na rimwe gufata iminota mike.

Umugenzi ntasabwa gukuramo ikarita ya telefone asanzwe akoresha. Kwetu isobanura ko ashobora kugumana nomero ye ku guhamagara no kwakira ubutumwa, agakoresha eSIM ku internet yo mu gihugu yasuye.

Serivisi ikora kuri telefone zemera eSIM; mu ngero zitangwa n’ikigo harimo iPhone XS n’izayikurikiye, Google Pixel 3 n’izayikurikiye, ndetse na Samsung Galaxy S20 n’izayikurikiye.

Abakiliya bo muri Kenya bashobora kwishyura bakoresheje M-Pesa, mu gihe abandi bashobora gukoresha amakarita yo kwishyura.

Iyo internet yaguzwe irangiye, umukiriya ashobora kuyongera binyuze muri application niba ifatabuguzi rye rigikora. Internet cyangwa iminsi y’ifatabuguzi bitakoreshejwe ntibyimurirwa mu rindi fatabuguzi.

Iyi serivisi ikora mu bihugu birenga 150. Umugenzi akwiriye kureba niba igihugu agiyemo n’ifatabuguzi akeneye biboneka mbere yo kwishyura.