Abatabaye Ndagije bakeka ko uwamukubise baryamanye nyuma akanga kuyishyura.

Nsengumuremyi Marc wahageze agasanga Ndagije avirirana mu masaha ya mu gitondo yavuze ko atazi neza uko byagenze gusa yemeza ko iyo ndaya bari kumwe ijoro ryose mu kabari k’uwitwa Giramata gaherereye ahohafi y'aho byabereye.

Yagize ati “Ibya Ndagije sinzi uko byagenze… nkeka ko baba bararanye akanga kuyishyura cyangwa bari bararyamanye akaba yaranze kuyishyura ikamurwarira inzika.”

Yakomeje avuga ko iyo ndaya yamukibise ahagana nko mu masaha y’urukerera yitwa Rehema, ndetse bivugwa ko uyu Ndagije, afite umugore babyaranyeariko ngo ntibabana.

Nyuma y’uko abantu benshi bari bamaze kuhagera bahise bamujyana ku ivuriro ryo “Kwa Nyiranuma” mu Biryogo, ku by’amahirwe akaba ari afite mituweli.

Niyonsaba Japhet Umunyamabanga Nshingwabikorwa w’Akagari ka Rwampala aho uyu mugabo yakubitiwe, yavuze ko uwabikoze agishakishwa anagira n’icyo avuga kuri ba nyiri utubari badafuga kare; ati “Abafite utubari tugomba kugirana ibiganiro bakagira amasaha ntarengwa bagomba gufungira bayarenza bakabihanirwa”.