Abantu 18 basanganywe Coronavirus, 14 ni bo bayikize mu Rwanda

Yanditswe na Ishimwe Israel
Kuya 19 Ukwakira 2020 saa 10:26
Yasuwe :
0 0

Abantu 18 basanzwemo COVID-19 mu bipimo 1373 byafashwe mu gihe 14 ari bo bakize iki cyorezo kuri uyu wa Mbere.

Minisiteri y’Ubuzima yatangaje ko ‘abarwayi bashya bagaragaye muri Kigali:8 na Kirehe:10 (abapimwe mu nkambi y’impunzi).’

Kuva umurwayi wa mbere wa COVID-19 iterwa n’agakoko ka Coronavirus agaragaye mu Rwanda ku wa 14 Werurwe 2020, hamaze kuboneka 4992 banduye mu bipimo 535 782 bimaze gufatwa, abagera ku 4797 barayikize mu gihe 161 bakitabwaho n’abaganga no mu ngo zabo naho 34 bitabye Imana.

Kugeza ubu nta muti n’urukingo bya Coronavirus biraboneka, hakoreshwa uburyo bwo kuvura ibimenyetso by’iki cyorezo gusa, kugeza umubiri w’umuntu wubatse ubudahangarwa, virus igashira ityo mu maraso.

Ibimenyetso bya Coronavirus birimo inkorora, ibicurane, guhumeka bigoranye n’umuriro. Yandura binyuze mu matembabuzi aturuka mu myanya y’ubuhumekero.

Abaturarwanda basabwa gukomeza kubahiriza amabwiriza ya Leta hitabwa cyane cyane ku gukaraba intoki kenshi n’amazi n’isabune, kwambara udupfukamunwa n’amazuru mu gihe umuntu avuye mu rugo cyangwa ahuye n’abantu benshi.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .