Mu itangazo Umuryango Imbuto Foundation washyize hanze, wavuze ko watanze izi mashini zizwi nka 'CFX96 Touch Deep Well Real-Time PCR Detection System' mu rwego rwo gushyigikira gahunda yo gupima icyorezo cya COVID-19.

Rigira riti “Umuryango Imbuto Foundation utewe ishema no gutanga imashini ebyiri za biorad ku Kigo cy’Igihugu cy’Ubuzima, RBC mu gushyigikira imbaraga zashyizwe mu bijyanye n’ubushobozi bwa Laboratwari y’igihugu mu gupima COVID-19.”

RBC ibinyujije kuri Twitter yavuze ko ibi bikoresho bije kongera ubushobozi bwari busanzwe mu bijyanye no gupima COVID-19.

Uyu munsi RBC yakiriye imashini ebyiri za biorad zifashishwa mu gupima ibizamini bya #COVID19 zatanzwe na @Imbuto. RBC yishimiye iyi nkunga kuko ije kongera ubushobozi bwa Laboratwari mu gupima #COVID19pic.twitter.com/XQkrf4nZAG

— Rwanda Biomedical Centre (@RBCRwanda) March 17, 2021