Guverinoma yeguriye umushoramari imashini izajya itunganya imyanda yo mu mavuriro y’i Kigali

Yanditswe na Uwase Joie Clarisse
Kuya 7 Gashyantare 2020 saa 03:51
Yasuwe :
0 0

Minisiteri y’Ubuzima ifatanyije n’Ikigo cy’Igihugu cy’Iterambere (RDB) byeguriye Dépôt Kalisimbi LTD imashini izajya itunganya imyanda iva mu mavuriro atandukanye yo mu Mujyi wa Kigali mu rwego rwo kubungabunga ibidukikije.

Iyi mashini yashyikirijwe Umuyobozi wa Dépôt Kalisimbi LTD, Gatete Pascal, ku wa 6 Gashyantare 2020. Iki kigo kizajya gitunganya imyanda giherereye mu Murenge wa Mageragere mu Karere ka Nyarugenge.

Ni imashini izatunganya imyanda ivanywe mu mavuriro yose yo muri Kigali, mu mafarumasi n’ibindi bigo bifite imyanda mvaruganda mu rwego rwo kubungabunga ibidukikije no kurinda abaturage indwara muri rusange.

RDB yasobanuye ko ari inshingano zayo zo gufasha ba rwiyemezamirimo kwiteza imbere. Igaragaza ko rwiyemezamirimo wahawe iyi mashini azajya yerekeza mu mavuriro yose yo muri Kigali adafite uburyo atwika imyanda ayikusanye yitwaje imodoka zabugenewe ajye kuyitunganyiriza muri icyo kigo i Mageragere.

Umushoramari kandi yemeye gushoramo andi amafranga akagura icyo kigo ndetse no kuba yabyaza ibisigazwa by’iyo myanda ibindi bintu nk’amashanyarazi.

Umuyobozi w’Ikigo cya Kalisimbi LTD, Gatete Pascal, yabwiye IGIHE ko iyi mashini izafasha mu kubungabunga ibidukiije muri rusange.

Ati “Ikindi ni ukwirinda imyanda iva kwa muganga akenshi hari ikibazo cy’uko itari ifite ahantu itunganyirizwa. Nta hantu ho gutunganyiriza imyanda ihumanya mu bitaro hari hahari. Icyo bizafasha muri rusange abaturage n’abaganga ni ukubona ahantu bashyira imyanda mu buryo bwizewe.”

Iyi mashini yakorewe mu Bufaransa hamwe n’inyubako zayo bifite agaciro k’arenga miliyoni 600 Frw, ikaba ifite ubushobozi bwo gutunganya ibilo 200 by’imyanda ku isaha.

Gatete Pascal yasobanuye imikorere y'imashini itunganya imyanda yo mu mavuriro
Aha niho hagenzurirwa ikoranabuhanga rifasha iki kigo guhana amakuru n'abari mu Bufaransa
Aho bacanira bagiye gutangira gukoresha iyo mashini
Guverinoma y'u Rwanda yeguriye umushoramari imashini izajya itunganya imyanda yo mu mavuriro y’i Kigali
Imashini izajya ifasha abaturage n'abaganga muri rusange
Iyi mashini yakorewe mu Bufaransa
Umuyobozi w’Ikigo cya Kalisimbi LTD, Gatete Pascal (iburyo) ashyikirizwa uburenganzira bwo gukoresha imashini itunganya imyanda yo mu mavuriro yo mu Mujyi wa Kigali
Abitabiriye uwo muhango wo gutanga iyo mashini izajya itunganya imyanda yo mu mavuriro y’i Kigali

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Special pages
. . . . . .