Mu gitondo cyo ku wa 9 Ukwakira 2026 ni bwo uyu mugabo uri mu kigero cy'imyaka 40 wo mu Murenge wa Busasamana yatawe muri yombi.

Abakurikiranye aya makuru bavuga ko bikekwa ko umugabo yagiye mu gicuku cyo ku wa 9 Ukwakira 2026 ubwo umugore we yari yaraye aho akorera akazi mu Murenge wa Nyagisozi, ajya kuryamana n’uyu mukozi.

Gusa byose umugabo ntabyemera kuko avuga ko atasambanyijwe umwana.

Kuri uyu wa 27 Ukwakira 2026, uyu mugabo yitabye Urukiko rw'Ibanze. Umucamanza umwe n’umwanditsi w’urukiko binjiye mu cyumba cy’iburanisha saa yine za mu gitondo.

Uyu mugabo yari kumwe n'umwunganizi we mu mategeko. Ubushinjacyaha bwari buhagarariwe n’Umushinjacyaha umwe.

Umucamanza yasabye Umushinjacyaha ko yasobanura impamvu yazanye ukekwa mu rukiko.

Umushinjacyaha ati "Twazanye umugabo ukekwaho icyaha cyo gusambanya umwana w'umukozi we w'imyaka 14 kugira ngo afungwe iminsi 30 y'agateganyo kuko hari impamvu zikomeye zituma akekwaho icyaha.”

Umucamanza yahise afata icyemezo ko uru rubanza rukwiye kuburanishwa mu muhezo maze abari mu cyumba cy'iburanisha bose bahita basohoka.

Saa tanu na 42, iburanisha ryabaye risubitswe mu gihe hari hategerejwe umutangabuhamya. Urukiko rwanzuye ko iburanisha risubukurwa cya cyenda, rigakomereza mu muhezo.

Uyu mugabo afungiwe kuri sitasiyo y’Urwego rw’Ubugenzacyaha ya Busasamana kuva yatabwa muri yombi.