Nyampinga Meghan yakanguriye urubyiruko kwizigamira muri Cogebanque mu gushyigikira umushinga we

Yanditswe na Ishimwe Israel
Kuya 6 Werurwe 2019 saa 04:09
Yasuwe :
0 0

Nyampinga w’u Rwanda 2019, Nimwiza Meghan, yasabye urubyiruko gukangukira kuzigamira ahazaza harwo, umusanzu abona uzamufasha gushyira mu bikorwa umushinga we.

Umushinga wa Nimwiza ni ugushishikariza urubyiruko kujya mu buhinzi bugezweho bwifashishije ikoranabuhanga buzafasha u Rwanda kubugiramo abashoramari bato no kwihangira imirimo mu rubyiruko.

Nimwiza yatangiye ibikorwa bye areba Isiganwa Mpuzamahanga rizenguruka u Rwanda ku Magare, Tour du Rwanda 2019; yari ahasorejwe agace ka Gatatu kegukanwe n’Umunya-Eritrea, Kudus Merhawi aho abasiganwa bavuye i Huye berekeza i Rubavu mu bilometero 213,1, ku wa 26 Gashyantare 2019.

Yabwiye IGIHE ko Banki y’Ubucuruzi ya Cogebanque nk’umuterankunga mukuru w’iri rushanwa ko urubyiruko rwayisunga ngo umushinga we uzagerweho.

Yagize ati “Umushinga wanjye wibanda ku rubyiruko kandi Cogebanque ni imwe muri banki zirushyigikiye cyane, nizera ko mu kurushishikariza kwizigamira ni ho imbaraga zose zituruka. Uko urubyiruko rwizigamira niko umushinga wanjye uzatera imbere kuko ayo mafaranga ruzayifashisha mu bikorwa by’ubuhinzi n’ibyo kubuteza imbere.”

Yashishikarije urubyiruko gufunguza konti muri Cogebanque kuko ari ‘inyungu zarwo’ mu gutegura ahazaza.

Umuyobozi ushinzwe Iyamamazabikorwa muri Cogebanque, Iyamuremye Antoine, yavuze ko bishimiye uko Abanyarwanda barushijeho kugana serivisi z’imari muri Tour du Rwanda.
Yagize ati ‘‘Twari tunyotewe no kubona irushanwa riri ku rwego rwisumbuyeho.Aho Tour du Rwanda 2019 yanyuze hose, twabwiraga abantu kwagukana natwe mu mikoranire.’’

Yakomeje ati ‘‘Uyu mwaka twari dufite gahunda yo kwigisha Abanyarwanda kumenya kwizigamira. Twari dufite konti ya Itezimbere ifungurwa ku mu-agent wese kandi ni igikorwa gikomeje. Ni konti wasabiraho inguzanyo, amakarita ya Mastercard yagufasha guhaha mu Rwanda no hanze kuri murandasi, ikanaguhesha agatabo ka sheki wakuriraho amafaranga. ’’

Konti ya Itezimbere ifungurirwa ku mu-agent no mu mashami ya Cogebanque, ijyana na Mobile Banking ituma ubitsa, ukabikuza, ukanohereza amafaranga ku wundi muntu. Iyi konti inajyana n’iyo kuzigama ya ‘TEGANYA’, ishobora gufungurwa n’umukiliya mushya cyangwa usanzwe, akajya yungukirwa kugera kuri 5% by’amafaranga yabikijeho.

Iyamuremye yakomeje ati ‘‘Twababwiye kwizigama batekereza ejo hazaza kuri konti isanzwe yitwa Teganya. Buri mushinga n’ibyifuzo by’Abanyarwanda Cogebanque turahari ngo tubafashe gukemura icyo kibazo. Twabonye abantu benshi batugana, kandi byaduhaye icyizere ko turi kumwe.’’

Cogebanque inafite izindi konti zirimo Nteganyiriza minuze, aho umwana azigamirwa amafaranga azamufasha muri kaminuza. Hari n’ishobora kubakwa ku buryo mu myaka ine, umuntu ahabwa inguzanyo yo kubaka inzu y’amahitamo ye.

Gahunda y’iyi banki itanga Serivisi Mpuzamahanga binyuze mu ikoranabuhanga ni ukorohereza Abanyarwanda gukuza umuco wo kwizigamira uri muri gahunda za leta.

U Rwanda rufite gahunda y’ubwiteganyirize burambye igamije kuzamura ubukungu n’igipimo cy’ubwiteganyirize mu gihugu aho rwihaye intego yo kuva mu bihugu bikennye rukagera ku bifite amikoro aringaniye bitarenze 2035 no ku bikize mu 2050.

Abanyarwanda benshi bishimiye serivisi zo kwizigamira begerejwe na Cogebanque
Banki y'Ubucuruzi ya Cogebanque niyo yahembye umukinnyi witwaye neza mu kuzamuka imisozi muri Tour du Rwanda 2019
Cogebanque yafashije benshi gutombora amafaranga nyuma yo gufunguza konti
Cogebanque yateye inkunga Tour du Rwanda ikangurira Abanyarwanda kwagukana na yo mu mishinga yabo itandukanye
Cogebanque yishimiye uko Tour du Rwanda yagenze n'uburyo Abanyarwanda bakomeje gusobanukirwa na serivisi zo kuzigamira ahazaza
Debesay Yakob ukomoka muri Érythrée yahembwe na Cogebanque $400 nk’uwarushije abandi guterera imisozi. Yafashe ifoto y’urwibutso n’abayobozi bakuru muri Cogebanque
Gufunguza konti byatangaga amahirwe yo kwinjira mu cyuma cyarimo amafaranga menshi umuntu yashoboraga kuyora
Miss Nimwiza Meghan, Ambasaderi wa Cogebanque yambikaga, ikanahemba uwa mbere mu guterera imisozi yafatanyije na Perezida wa Ferwacy, Bayingana Aimable guhemba Kudus Merhawi watsindiye i Rubavu
Nyampinga w'u Rwanda 2019, Nimwiza Meghan, yakanguriye urubyiruko kwizigamira muri Cogebanque muri gahunda yo gushyira mu bikorwa umushinga we wo guteza imbere ubuhinzi mu rubyiruko
Umuhanzi Bruce Melodie yaherekeje Cogebanque aho yasobanuriraga Abanyarwanda bose serivisi zayo z'imari
Ushinzwe Ihanahana mafaranga hakoreshejwe Ikoranabuhanga muri Cogebanque, Nishimwe Yvon Gilbert, yabwiye IGIHE ko iyi banki ifite mobile banking ifasha kubitsa, kubikuza no koherezanya amafaranga

Amafoto: Niyonzima Moïse


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza