00:00:00 IGIHE NETWORK KN KINYARWANDA EN ENGLISH FR FRANCAIS

La Bonne Source Ltd yagejeje divayi na champagne zo mu Bufaransa ku isoko ry’u Rwanda (Amafoto)

Yanditswe na Mahoro Vainqueur
Kuya 8 Ukuboza 2022 saa 02:19
Yasuwe :

Sosiyete “La Bonne Source Ltd” ku bufatanye n’ibigo bitatu birimo Château le Grand Verdus, Château Grand Bert na Château Laballe bizobereye mu kwenga Divayi na Champagne byamuritse ibicuruzwa bishya byagejeje ku isoko ry’u Rwanda.

Igikorwa cyo gusogongera izi Divayi na Champagne cyateguwe na ‘La bonne Source Ltd’ cyitabiriwe n’abantu batandukanye barimo Ambasaderi w’u Bufaransa mu Rwanda, Antoine Anfré n’abandi.

Muri iki gikorwa, Le Château Grand Bert, Uruganda ruherereye mu Mujyi wa Bordeaux mu Bufaransa rwamuritse bimwe mu bicuruzwa rwagejeje mu Rwanda ku wa 6 Ukuboza 2022.

Uru ruganda rukora amoko arenga 240 ya divayi Ikorwa n’Umuryango wa Vignoble Poitevin, ndetse igisekuru cya karindwi cyawo ni cyo cyagejeje izi divayi na Champagne mu Rwanda.

Pierre Poitevin wari uhagarariye uyu muryango muri iki gikorwa avuga ko bahisemo kwinjiza ibicuruzwa byabo mu Rwanda nk’igihugu gitekanye kandi kirimo abantu bakunda kwidagadura.

Yagize ati “Mbere na mbere Afurika ni umugabane ufite ejo hazaza heza. U Rwanda ni igihugu cyiza gifite umwihariko, gifite abantu bigirira icyizere, bakunda gutarama cyane kandi na divayi cyangwa se champagne zacu zizabafasha kwizihirwa.”

Yakomeje agira ati “Twatangiye gucuruza ibicuruzwa byacu mu Rwanda uyu mwaka, ni ubwa mbere mpageze ariko nanyuzwe nanjye ubwanjye.”

Kugeza ubu bari gukorana n’ibihugu bitatu byo muri Afurika birimo Burkina Faso, Côte d’Ivoire n’u Rwanda.

Uruganda rwa Vignobles Poitevin (Château Grand Bert) rwatangiye gukora divayi kuva mu 1910. Ni ubwa mbere ruzanye ibicuruzwa byarwo mu Rwanda ku bufatanye n’iduka rya ‘La bonne Source Ltd’ bizafatanya mu kubisakaza mu Rwanda.

Le Château Grand Bert imenyerewe gukora ubwoko bwa divayi bwujuje ibisabwa ku Isi, ikorera mu Mujyi wa Bordeaux, umwe mu yamamaye cyane ku Isi mu kugira inganda nziza zikora divayi.

Ambasaderi w’u Bufaransa mu Rwanda, Antoine Anfré aganira na Pierre Poitevin wari ufite ibi bicuruzwa
Abitabiriye iki gikorwa banyuzwe n'icyanga cya divayi na champagne bikorwa n'uruganda rwo mu Bufaransa
Ambasaderi w’u Bufaransa mu Rwanda, Antoine Anfré, ni umwe mu bitabiriye iki gikorwa
Benedicte Moche asobanurira abamugana ubwoko bw'izi divayi zagejejwe mu Rwanda
Buri wese yahawe umwanya wo gusogongera kuri buri divayi na champagne
Buri wese mu bitabiriye iki gikorwa yatashye anyuzwe
Château Grand Bert imenyerewe gukora ubwoko bwa divayi bwujuje ibisabwa ku Isi
La Bonne Source Ltd yamuritse divayi na champagne itumiza mu nganda zo mu Bufaransa
Le Château Poitevin yazanye amoko atandukanye ya Divayi na Champagne
Pierre Poitevin akorera mu nyubako ya Château Grand Bert imenyerewe gukora ubwoko bwa divayi bwujuje ibisabwa ku Isi
Pierre Poitevin asobanurira Ambasaderi Antoine Anfré ubwoko bw'ibinyobwa bagejeje ku isoko ry'u Rwanda
Pierre Poitevin ni we wari uhagarariye uyu muryango muri iki gikorwa
Pierre Poitevin yakira abamubazaga kuri izi divayi na Champagne
Umufaransakazi Benedicte Moche ni umwe mubafashaga abitabiriye iki gikorwa abasobanurira ubwoko bw'ibicuruzwa bagejeje mu Rwanda
Sosiyete “La Bonne Source Ltd” yasogongeje abakiliya bayo Divayi na Champagne itumiza mu Bufaransa
Umufaransakazi Morgan Larroche amaze imyaka 10 akorana n'uyu muryango wa Vignobles Poitevin
Umuyobozi wa Wine La Bonne Source Ltd, Rurangwa Valens, yakira abitabiriye iki gikorwa barimo abayobozi bakuru
La Bonne Source Ltd yagejeje divayi na champagne z'ubwoko butandukanye zikorerwa mu Bufaransa ku isoko ry’u Rwanda
Nyuma y'iki gikorwa hafashwe ifoto y'urwibutso

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .