Ibyishimo by’abakiliya bahamagara n’abakoresha internet ku muyoboro wa Airtel

Yanditswe na Twarabanye Venuste
Kuya 23 Gashyantare 2020 saa 11:26
Yasuwe :
0 0

Abakiliya ba Airtel-Tigo, hirya no hino mu Ntara z’u Rwanda baravuga ko kuva batangiye gukoresha uwo muyoboro w’Itumanaho, utigeze ubatenguha haba mu guhamagara no gukoresha internet aho baherereye.

Airtel-Tigo ni imwe mu masosiyete y’Itumanaho ashimwa n’abakiliya muri serivisi ibaha zo guhamagaraga, kohereza ubutumwa bugufi, gukoresha internet, kohererezanya amafaranga n’izindi.

Ni umuyoboro utanga ipaki za internet zikubye inshuro eshatu kuri internet itangwa n’ibindi bigo by’itumanaho, ukagira n’amapaki yo guhamagara ashyira igorora abakiliya bawo arimo ‘Tera Stori’ iri gukoreshwa na benshi muri iyi minsi.

Abakiliya ba Airtel-Tigo hirya no hino mu gihugu babwiye IGIHE ko ari umuyoboro utarigeze ubatenguha.

Akimana Joselyne wiga mu ishuri ry’Imyuga n’Ubumenyingiro rya Musanze (IPRC Musanze), avuga ko serivisi za Airtel-Tigo zo guhamagara, gukoresha internet no kohererezanya amafaranga zitagorana haba mu mujyi no mu cyaro.

Uretse kuba iyo afite amafaranga 100 agura ipaki ituma avuga yisanzuye, Akimana avuga ko nk’Umunyeshuri muri rusange Airtel-Tigo iborohereza kuko ibaha uburyo bwo guhora kuri internet badakoresheje amafaranga menshi.

Ati “Internet yayo irihuta aho waba uri hose irakora, niyo yaba mu cyaro cya kure. Usanga ihendutse byagera ku banyeshuri nkatwe bwo bikaba amahirwe yihariye, nko gukoresha internet ihendutse kandi yihuta, cyane ko nta mafaranga ahagije ku ishuri tuba dufite.”

Mu mahame ya Airtel-Tigo yita cyane ku ikoranabuhanga u Rwanda rukatajemo, yemera ko umuntu adashobora kuryoherwa n’ubuzima mu gihe agikoresha internet igenda nk’akanyamasyo.

Kwishyura make agahabwa megabit nyinshi ni kimwe mu bituma Mfitumukiza Jean Lambert utuye mu Murenge wa Kigabiro mu Karere ka Rwamagana adakoresha amafaranga menshi agura internet.

Ati “Nyikoresha cyane kuri internet, irihuta cyane, nta bibazo igira ntabwo iranteguha na rimwe. Bituma nizigamira kuko amafaranga nkoresha kuri internet ni make baduha nyinshi [megabit], bikadufasha kudahora dusohora amafaranga.”

Munyensanga Gervais, ukomoka mu Murenge wa Kinazi mu Kagali ka Gitovu mu Karere ka Ruhango we avuga ko iminota ahabwa iyo aguze ipaki yo guhamagara aricyo gituma ahitamo Airtel-Tigo.

Ati “Ibiciro bya Airtel-Tigo biba bihendutse kubera ko iminota bampa ahandi bampa mikeya cyane kurenza iyo muri Airtel-Tigo. Iyo nkoresha cyane ni Airtel-Tigo kuko niyo ihendutse.”

Mugenzi we Amizero Jeanne, avuga ko na we yahisemo gukoresha Airtel-Tigo mu guhamagara kubera n’umwihariko wo guhamagara ku yindi mirongo adahenzwe.

Ati “Airtel na Tigo nizo zoroshye kuzikoresha kubera ko batanga ama-inite menshi ugereranyije n’abandi. Nko ku 100 Frw baguhereza iminota 40. Kohereza amafaranga ntabwo urenzaho ayo gukata. Nkunda gukoresha Airtel money.”

Airtel-Tigo ifite serivisi ya Airtel Money uburyo yashyizeho bufasha abakiliya kuryoherwa no kohereza amafaranga nta kiguzi bakaswe.

Ndagijimana Jules utuye mu Murenge wa Muhazi mu Karere ka Rwamagana avuga ko ari imwe muri serivisi zimunyura.

Ati “Nk’ubu iyo ntekereje koherereza amafaranga ababyeyi banjye bari mu cyaro n’abandi bavandimwe banjye ntabwo bankata, ikindi nibura muri buri gasantere uhasanga umu-agent wabo bigatuma adakora urugendo rurerure ajya kubikuza.”

Airtel-Tigo Rwanda niyo sosiyete ifite internet yihuta cyane kandi igaragara aho ariho hose mu Rwanda ku kigero cya 98%. Sosiyete y’Itumanaho ya Airtel ikorera mu bihugu birimo Uganda, Kenya, Tanzania, Repubulika Iharanira Demokarasi ya Congo, Congo Brazaville, Nigeria, Gabon, Madagascar, Niger, Tchad, Malawi, Zambia, Ghana na Seychelles byo ku Mugabane wa Afurika.

Inkuru bifitanye isano: Uburyo waryoherwa n’ubuzima ukoresha umurongo wa Airtel-Tigo

Abakoresha Airtel Tigo bishimira serivisi zihuse kandi zinoze bahabwa ku giciro gito

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Special pages
. . . . . .