BK Group Plc yegereje abitabira EXPO2019 serivisi zayo ziganjemo izifashisha ikorabuhanga

Yanditswe na Evariste Nsengimana
Kuya 31 Nyakanga 2019 saa 07:47
Yasuwe :
0 0

BK Group Plc yegereje abagana imurikagurisha mpuzamahanga rya Kigali (EXPO2019), serivisi itanga zirimo iz’imari, ubwishingizi, isoko ry’imari n’imigabane n’izikoranabuhanga, mu rwego rwo korohereza abaryitabira kuzibona hafi no kuzisobanukirwa.

BK Group Plc ni imwe mu bigo bisaga 500 byitabiriye imurikagurisha mpuzamahanga rya Kigali, riri kubera i Gikondo kuri Expo Grounds guhera ku wa 22 Nyakanga 2019, rikazasozwa ku wa 11 Kanama 2019.

BK Group Plc ibumbiye hamwe ibigo birimo Banki ya Kigali itanga serivisi z’imari, BK General Insurance itanga ubwishingizi, BK TecHouse itanga serivisi z’ikoranabuhanga na BK Capital itanga serivisi z’isoko ry’imari n’imigabane.

Ubwo IGIHE yasuraga aho ibi bigo bimurikira muri Expo, Umuyobozi ushinzwe abakiliya muri Banki ya Kigali, Sunday James, yavuze ko bahaye umwihariko serivisi ziganjemo izifashisha ikoranabuhanga.

Muri izo serivisi harimo iya ‘BK Online Banking’ ikoreshwa n’abafite mudasobwa bakaba babona izi serivisi zose zirimo gusaba inguzanyo, kohereza amafaranga, kureba ibyakozwe kuri konti n’ibindi.

BK Mobile App, Porogaramu ishyirwa muri telefone zigezweho ‘Smartphone’ igafasha abakiliya kubona izo serivisi n’izindi zirimo kwishyura umuriro, amazi, ikarita ya telefone.

Sunday ati “Si ngombwa ko uba ufite konti muri Banki, niyo waba ufite telefone ushobora koherereza umuntu kuri telefone akaba yakwegera abaduhagarariye [Agents] akaba yakubikuza amafaranga.”

Hari na ‘Mobile Banking’, uburyo bwifashishwa n’abakoresha telefoni ziciriritse aho bakanda *334# ubundi bagakurikiza amabwiriza bitewe n’icyo bashaka gukora yaba kohereza amafaranga, kugura umuriro, kureba amafaranga usigaranye kuri konti n’ibindi.

Sunday ati “Ni uburyo bwo koroshya ubuzima no gufasha abakiliya bacu kugira ngo babashe gukorana na banki mu buryo buboroheye.”

Banki ya Kigali kandi iranamurikira abitabiriye Expo2019, uburyo bw’IKOFI, bufasha abahinzi kugaragaza ishoramari bakora, kohereza no kubikuza amafaranga ku buntu, kwishyura ibintu binyuranye byifashishwa mu buhinzi nk’imbuto n’inyongeramusaruro, ubwizigame n’ibindi.

IKOFI ikoreshwa kuri telefoni aho umuntu yiyandikisha akoresheje *334*2# na nimero y’indangamuntu; akegera umucuruzi w’inyongeramusaruro ugomba kubyemeza, akamuha umubare w’ibanga akoresha.

Udafite telefoni abifashwamo n’umucuruzi w’inyongeramusaruro akandikwa, agahabwa agafunguzo (Near Field Communications, NFC) gafite ikoranabuhanga ribikwamo amakuru ye, akakifashisha mu kubitsa no kubikuza kuri telefoni.

Sanday ati “Irimo ibintu byose bigufasha gukorana na Banki cyangwa kubana n’amafaranga yawe bitagusabye kuba uyafite mu mufuka ahubwo ari kuri telefone ukayahererekanya na mugenzi wawe.”

Iki kigo kandi kiri kumurikira abitabira imurikagurisha ubwoko bw’amakarita yo kubikuza no kwishyura ibicuruzwa bitandukanye aho waba uri hose ku Isi.

Hari kandi ubwoko butandukanye bwa konti zifasha abakiliya kubona inguzanyo n’izo kwizigamira z’abakuru. Hari n’iz’abana nk’iyitwa ‘Kira Kibondo’ yungukirwa 8.5% ku mwaka n’izindi.

Manirakiza Jonathan wo mu Karere ka Gasabo wari umaze kubikuza yabwiye IGIHE ati “Nk’uko Banki ya Kigali irimo gutangira serivisi zayo hano muri Expo ni byiza cyane kuko niba nshaka kugura ikintu nta mafaranga mfite mu ntoki, mpita nyarukira hano bamurikira nkayafata ntahangayitse.”

Yavuze ko serivisi za BK ari nta makemwa, cyane ko inyinshi umukiliya ashobora kuzakira anifashishije ikoranabuhanga ririmo n’irya telefone kandi zifitwe na benshi.

BK TecHouse

Muri serivisi ziri kumurikwa muri iki kigo harimo internet ya 4G, yihuta kandi idahenze. Guhitamo iyo internet ntako bisa kuko iki kigo gifite n’abakozi bagufasha kuyishyira aho wifuza hose.

Hari na serivisi yitwa ‘Urubuto’ irinda umunyeshuri kugendana mu ntoki inyemezabwishyu z’amafaranga y’ishuri ngo bibe byamuviramo no kuzibura.

Sunday ati “Iyo uri mu rubuto wishyura amafaranga y’ishuri ukoresheje nimero ikigo kiba cyarahaye umunyeshuri, kigahita kibona ako kanya muri sisiteme yacyo ko yishyuye.”

Iki kigo gifite n’ikoranabuhanga rifasha guhererekanya amakuru hagati y’ishuri n’ababyeyi igihe umunyeshuri atashye, bombi bakamenya niba yageze mu rugo. Ati “Nayo ni serivisi nziza dushishikariza ibigo bitarayifata kutugana.”

BK Capital

Iki kigo gitanga serivisi yo gucunga imari, ubujyanama mu by’imari nko kureba ishoramari rikeneye indi nkunga n’irikeneye kuvugururwa n’ubuhuza ku isoko ry’imari n’imigabane ku rwego ruhambaye. Cyemerewe n’Ikigo kigenzura Isoko ry’Imari n’Imigabane mu Rwanda (CMA) na Banki Nkuru y’u Rwanda (BNR) gufasha abantu n’ibigo bishaka gushora imari bikinyuzeho.

BK General Insurance

Iki kigo cyo gitanga serivisi z’ubwishingizi bw’inzu, ibinyabiziga n’ubucuruzi n’ibindi uretse ubuzima, kandi butangwa ku giciro gihendutse.

Sunday ati “Umuntu utaritabira Expo yacitswe kuko Banki ya Kigali turimo gutanga amakarita yo kubikuza no guhaha y’ubuntu ku muntu ufunguje konti tukamuha n’izindi serivisi.”

Izi serivisi BK Group Plc uzifuza atabashije kugera ahabera imurikagurisha ashobora no kuzisanga hirya no hino ku mashami yayo mu gihugu.

Abarimo kumenyekanisha ibikorwa bya BK muri EXPO2019
Aho BK irimo kumurikira
Bamwe mu bakiriya barimo kwaka serivisi muri BK
BK Capital nayo irimo kumenyekanishwa
IKOFI ni imwe muri serivisi ziri gusobanurwa
Umuntu ashobora no kubona aho abikuza yifashishije ikarita muri EXPO
Umwe mu bakozi ba BK uri gutangira serivisi muri Expo
Umwe mu bakozi ba BK ari gusobanurira umukiliya

Amafoto: Muhizi Serge


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza