Miss Nimwiza yasogongeje Abanyarwanda inyungu ihishe mu gukoresha amakarita ya MasterCard atangwa na Cogebanque

Yanditswe na Mukaneza M.Ange
Kuya 28 Werurwe 2019 saa 11:04
Yasuwe :
0 0

Nyampinga w’u Rwanda w’umwaka wa 2019 Nimwiza Meghan yasuye ibice bitandukanye bikorerwamo ubucuruzi, aho yahuye n’abantu b’ingeri zose bakaganira ndetse akabasogongeza ku nyungu ihishe mu kwishyura bakoresheje amakarita ya MasterCard atangwa na Cogebanque.

Ni igikorwa Miss Nimwiza usanzwe ari n’ambasaderi wa Cogebanque, yakoze mu gihe iyi banki Nyarwanda y’ubucuruzi iri mu bukangurambaga yise “Ishyura Na MasterCard ”, bugamije guhemba abazakoresha amakarita yabo mu kwishyura ibicuruzwa na serivisi.

Yasuye ibice bitandukanye bikorerwamo ubucuruzi birimo Simba Supermarket ndetse n’ahacururizwa ibikomoka kuri peteroli nka sitasiyo za SP.

Miss Nimwiza yasobanuriye abo yahasanze ko gukoresha amakarita ya MasterCard atangwa na Cogebanque bigira uruhare mu koroshya ubuzima bw’Abanyarwanda n’abaturarwanda.

Ati “Amakarita ya Cogebanque akorwa na MasterCard arimo Credit, Debit na Prepaid Card, atuma wizera umutekano w’amafaranga yawe kuko mu gihe ugiye guhaha, bitagusaba kuba ufite amafaranga mu ntoki ahubwo wishyura ukoresheje ikarita yawe”.

Yakomeje asobanura ko kandi aya makarita ushobora kuyakoresha mu gihe ukeneye guhahira ku maguriro akorera kuri Internet yaba ayo mu Rwanda cyangwa hirya no hino ku Isi.

Miss Nimwiza kandi yagaragaje ko uretse kuba aya makarita yaroroheje ubuzima bw’abakiliya ba Cogebanque, iyi banki inafite uburyo bw’ikoranabuhanga nka ‘Internet na Mobile Banking’ butuma bakoresha serivisi zayo bitabaye ngombwa gukora ingendo bajya ku mashami.

Mu gihe cy’ibyumweru bitatu, abahahira mu maguriro arimo Simba Supermarket bakanishyura ibikomoka kuri peteroli kuri sitasiyo za SP muri Kigali, bakoresheje MasterCard zabo bahawe na Cogebanque bazatsindira ibihembo birimo kujya kuruhukira muri hoteli wishyuriwe byose, mudasobwa, n’ibindi.

Abakiliya ba Cogebanque bakoresha amakarita ya MasterCard kandi bibahesha ububasha bwo kuba babikuza ku byuma bya ATM miliyoni 36 biri hirya no hino ku Isi.

Abakozi ba Cogebanque basobanuriye abanyarwanda inyungu iri mu gukoresha amakarita
Miss Nimwiza yagaragaje ko bitakiri ngombwa kwitwaza amafaranga, ahubwo ikarita yaba ihagije
Bakanguriwe gukoresha amakarita kurusha kwitwaza amafaranga
Yifotoranyije na Miss Rwanda 2019
Miss Nimwiza yanaganirije abakiliya ba Simba Supermarket
Ubu butumwa bwanatangiwe muri Simba Supermarket

Amafoto: Hakizimana Thamimu


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza