00:00:00 IGIHE NETWORK KN KINYARWANDA EN ENGLISH FR FRANCAIS

Ibyo wamenya kuri Leaf wallet, porogaramu nshya yo guhererekanya amafaranga mu bihugu bitandukanye nta kiguzi

Yanditswe na Uwimana Abraham
Kuya 4 Gashyantare 2021 saa 09:00
Yasuwe :
0 0

Sosiyete ya Leaf Global Fintech yatangije porogaramu nshya yise “Leaf Wallet” ifasha abantu kubika, kurinda no guhererekanya amafaranga mu bihugu birimo u Rwanda, Uganda na Kenya, hifashishijwe telefoni ngendanwa iyo ari yo yose, kandi hatabayeho gukatwa amafaranga.

Leaf Global Fintech ni sosiyete itanga serivisi z’imari zigamije korohereza abantu kohereza, kwakira ndetse no kubika amafaranga. Ni muri urwo rwego yatangije porogaramu ya “Leaf Wallet” kugira ngo byorohere abantu kohererezanya amafaranga, kubitsa no kubikuza muri buri gihugu cyose bajyamo aho Leaf ikorera kandi ku giciro gito cyo gukatwa.

Leaf ni sosiyete yemejwe n’Urwego rw’Igihugu rw’Iterambere (RDB) kandi ikaba ikorana n’ibindi bigo bifite uburenganzira bwo gukora nk’abafatanyabikorwa mu bihugu byose ikoreramo. Ifite abakozi muri Kigali, Rubavu, Karongi, Nairobi na Leta Zunze Ubumwe za Amerika.

Leaf Wallet ni porogramu nshya ifasha mu kohereza no kwakira amafaranga, kuvunja amadovize atandukanye bihendutse, kubitsa ku buntu, kubikuza ku giciro gito, ikaba ububiko bw’amafaranga butekanye kandi bwizewe.

Umuyobozi wa Leaf Global Fintech, Nat Robinson, yavuze ko igitekerezo cyo gutangiza Leaf Wallet, cyavuye ku mbogamizi mu byo kubona serivisi z’imari zari zikenewe n’impunzi n’abacuruzi bambukiranya imipaka muri Afurika.

Yagize ati “Bitewe n’ihezwa muri serivisi z’imari, impunzi n’abacuruzi bambukiranya imipaka bisangaga bagomba kugendana amafaranga yabo, yego birahendutse ariko biteye impungenge. Leaf itanga uburyo bwizewe kandi butekanye bwo kuba wagendana amafaranga yawe bikakurinda kuba wakwibwa ndetse ikagufasha no kuba ushobora kuyavunja byoroshye.”

Yongeyeho ati “Ibi rero nibyo Leaf yaje gukemura, buri wese ashobora gukoresha Leaf Wallet. Dutanga serivisi z’imari z’ikoranabuhanga zambukiranya imipaka. Ibi bivuze ko tutazitirwa n’imipaka hamwe na Leaf abakiliya bashobora kubika amafaranga, bakaba bayohererezanya n’abandi bakoresha Leaf ku buntu ndetse bikoroha kuyakira mu ifaranga ry’igihugu urimo [bitabaye ngombwa ko ujya kuvunjisha].”

Leaf iboneka mu buryo bubiri, ubwa mbere ni ubwo kuyikoresha nka porogaramu ya telefoni ngendanwa igezweho (smartphone application), iboneka kuri Google Play cyangwa App store, ubundi ni ukuyikoresha nka kodi ya USSD kuri telefoni zose, aho ukanda *801*53# mu Rwanda na *284*53# muri Uganda na *483*153# muri Kenya.

Hifashishijwe Leaf Wallet, umuntu ashobora kugendana amafaranga no kohereza ku buntu mu bihugu byose ku bakiliya ba Leaf, ushobora kandi kubitsa no kubikuza mu bihugu Leaf ikoreramo. Igira abafatanyabikorwa muri ibyo bihugu ikoreramo ariko muri Afurika y’Iburasirazuba hifashishishwa imirongo yose y’itumanaho yemewe muri ibyo bihugu (Mobile Money).

Umuyobozi ushinzwe Ikoranabuhanga muri Leaf, Tori Samples, yavuze ko byoroshye kuba umuntu yava mu gihugu kimwe akajya mu kindi afite amafaranga kuri konti ya Leaf, agashobora kuyavunjamo amadevize yo muri icyo gihugu bidasabye ko ayabikuza ahubwo bikorewe kuri porogaramu ya Leaf muri telefoni ye ndetse agahita ayashyira no kuri Mobile Money yo muri icyo gihugu akabasha kuyabikuza bisanzwe.

Ati “Hamwe na Leaf, ushobora gutwara amafaranga yawe ukambuka umupaka ufite umutekano, bikakurinda ingaruka z’ubujura n’ubwambuzi. Kubitsa no kubikuza amafaranga kuri konti ya Leaf ukoresha Mobile Money, ushobora kandi kubitsa ku buntu nta kiguzi no kubikuza byoroshye ku giciro gito.”

Shyira porogaramu ya “Leaf Wallet” muri telefoni yawe unyuze muri Google Play na App Store. Gufunguza konti muri Leaf ni ubuntu. Umuntu asabwa kuba afite icyangombwa kimuranga (indangamuntu, indangampunzi, pasiporo, uruhushya rwo gutwara cyangwa ikarita y’itora) ndetse agafata ifoto (selfie) afite icyangombwa yakoresheje afunguza konti, ibi bikaba bifasha kwirinda uburiganya n’ibindi bikorwa bibi bishobora kubaho mu ikoreshwa ry’amafaranga.

Tori Samples kandi yahamije ko iyi serivisi ya Leaf Wallet yizewe kuko umuntu ashobora kubika amafaranga ye kuri konti igihe cyose ashaka kugeza ubwo yakenera kuyakoresha ndetse n’igihe umuntu yataye telefoni ye konti ye ya Leaf ikomeza gukora kandi mu buryo butekanye.

Umuntu ashobora guhita atangira gukoresha Leaf ako kanya, ikindi ni uko ashobora gukoresha telefoni iyo ariyo yose akoresheje izina asanzwe akoresha n’umubare we w’ibanga, nta mpungenge kuko konti zihora zigenzurwa kugira ngo zitinjirirwa n’ibisambo.

Ikindi kandi ngo gufunguza konti ntibisaba kuba uri kumwe n’umukozi wa Leaf, bikorerwa kuri porogaramu ya Leaf wallet, ndetse igihe adafite smartphone ashobora gukoresha iy’inshuti ye hanyuma umuntu yamara kwiyandikisha agakoresha kodi (USSD) mu zindi serivisi zose yakenera.

Tori Samples yakomeje avuga ko uretse ibihugu bitatu Leaf ikoreramo kuri ubu, bateganya kugaba andi mashami, aho bitegura mu mezi make gutangira gukorera muri Repubulika Iharanira Demokarasi ya Congo, Tanzania n’u Bwongereza, ndetse ngo iteganya no kugera mu bindi bihugu byinshi bya Afurika bitarenze umwaka wa 2021.

Ku bindi bisobanuro birebana na serivisi za Leaf Global Fintech, umuntu ashobora kubona application yabo kuri Google Play: https://play.google.com/store/apps/details?id=com.leafglobalfintech.leaf_app&hl=en&gl=US; cyangwa kuri App Store: https://apps.apple.com/us/app/leaf-wallet/id1535607145; cyangwa akaba yasura urubuga rwabo (website) kuri https://leafglobalfintech.com/wallet-2-0/. Ushobora kandi gukoresha imbuga nkoranyambaga ukababona kuri @LeafGlobalTech; cyangwa kuri nimero ya telefoni +250786816336.

Gukoresha Leaf Wallet ntibihenze yaba imbere mu gihugu no hanze yacyo
Hatangijwe serivisi ya Leaf Wallet yoroherezanya mu buryo bwo guhererekanya amafaranga mu bihugu bitandukanye

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .