‘Gisubizo’, inguzanyo ku mushahara itagira ingwate ikomeje gufasha benshi mu bakiliya ba Cogebanque

Yanditswe na Twarabanye Venuste
Kuya 13 Gashyantare 2020 saa 12:30
Yasuwe :
0 0

Muri gahunda za Cogebanque Plc zo gufasha Abanyarwanda kuzamura ubukungu bwabo no gukemura ibibazo bitandukanye, iyi banki ikomeje gushyira abakiliya igorora ibaha inguzanyo ku mushahara izwi nka ‘Gisubizo Loan Express’, itangwa nta ngwate.

Gisubizo Loan Express ni inguzanyo Cogebanque itanga ku bakiliya bayo babona umushahara wa buri kwezi. Ni inguzanyo ikubye inshuro zigera kuri 15 z’umushahara umuntu ahembwa ku kwezi, na we akagenda yishyura agera kuri 50% by’umushahara we buri kwezi.

Usabye iyi nguzanyo, ayibona mu gihe kitarenze iminsi mike iyo yujuje ibisabwa.

Nka banki Nyarwanda yiyemeje gufatanya n’Abanyarwanda mu rugendo rw’ubukungu, Cogebanque itangaza ko muri ‘Gisubizo Loan Express’, ufashe miliyoni eshanu nta ngwate atanga naho ufashe arenze ayo akayitanga ariko byose bigakorwa mu buryo bumworoheye.

Umuyobozi ushinzwe Amashami, Pierre Seruhungo Nsengiyumva, yavuze ko ari serivisi bongeye mu zo batanga nyuma yo kubona ko ikenewe ku bakiliya bayo.

Ati “Intego y’iyi gahunda ni ukwereka abakiliya bacu ko tubaha agaciro kandi tubafasha gukemura ibibazo byabo byihutirwa cyangwa bitunguranye.”

Yavuze ko ari gahunda yakiriwe neza kuva abakiliya bayimenyeshwa kandi ko bari kwitabira gusaba iyo nguzanyo. Hari n’abamaze kuyibona bari kuyikoresha.

Usaba iyo nguzanyo asabwa gusa kuba ari umukozi ufite amasezerano y’akazi, umushahara we awuhemberwa muri Cogebanque.

Cogebanque itangaza ko iyo nguzanyo, itangwa mu gihe gito bijyanye n’impamvu yayishyizeho yo gukemura ibibazo byihutirwa cyangwa bitunguranye umuntu ashobora kugira.

Iteganya ko inguzanyo nk’iyo iba ije gufasha umuntu utunguwe n’ikibazo kidasanzwe nk’urugendo rwa kure, gukenera kugura ibikoresho byo mu nzu, kwishyura amafaranga y’ishuri, gukoresha imodoka, fagitire zo kwa muganga n’ibindi.

Nsengiyumva ati “Ni serivisi nziza kubera ko kuyisaba bitwara igihe gito kitarambira abakiliya iyo bigeze ku kwita ku gukemura ibibazo byabo.”

Gisubizo Loan Express iri gutangwa mu buryo buvuguruye ishobora kwishyurwa mu myaka itanu mu gihe kuyibona bifata iminsi mike ku wujuje ibisabwa.

Iyo umukiliya ashaka kwishyura inguzanyo mbere y’igihe, nta bundi bwishyu bw’inyongera asabwa yaba yishyura yose cyangwa igice. Umukiliya ashobora gukurikirana imiterere y’uburyo bwo kwishyura kandi akoresheje porogaramu ya CogemBank.

Mu gufatanya n’Abanyarwanda mu rugendo rw’ubukungu no kubegereza serivisi zayo, Cogebanque iherutse gufungura amashami mashya mu turere twa Ngoma, Kirehe, Bugesera na Rubavu (Mahoko). Kubegereza sirivisi hose mu gihugu bijyana no gutanga inguzanyo zitandukanye mu buryo bworoheye abakiliya.

Cogebanque Plc yemewe nka Banki y’Ubucuruzi na Banki Nkuru y’u Rwanda (BNR) mu 1999, itangira gukora ku wa 17 Nyakanga muri uwo mwaka. Ifite amashami 28 mu gihugu hose aho ifite ibyuma bya ATM 34, aba-agents barenga 600 bayifasha gutanga serivisi zo gufunguza konti, kubitsa no kubikuza zirimo n’izifashisha ikoranabuhanga binyuze muri Internet Banking, Mobile Banking, smart cash card n’amakarita ya MasterCard (Debit, Credit na Prepaid) afasha abayakoresha kwishyura no kubikuza ahantu harenga miliyoni 36 ku Isi yose.

Cogebanque yashyizeho inguzanyo ku bantu babona umushahara wa buri kwezi yiswe ’Gisubizo Loan Express’
Cogebanque ni Banki Nyarwanda imaze kuba ubukombe mu gutanga serivisi z'imari mu gihugu hose

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Special pages
. . . . . .