00:00:00 IGIHE NETWORK KN KINYARWANDA EN ENGLISH FR FRANCAIS

betPawa yatangije gahunda nshya yo kwita ku buzima bw’abatega

Yanditswe na Mugisha Christian
Kuya 28 June 2022 saa 06:20
Yasuwe :

Uko bucyeye n’uko bwije sosiyete z’imikino y’amahirwe zigenda ziyongera mu Rwanda ari na ko ziyobokwa n’abashaka kubyaza umusaruro ayo mahirwe zitanga nubwo hari n’abo zikururira mu ngorane badapfa kwigobotora.

Birashoboka ko hari abasarura akayabo muri iyi mikino ariko hari n’abagaragaza ko iteza ibindi bibazo nko kubashyira mu bubata bakaba bananirwa kubahiriza izindi nshingano basanganywe no guteza ubukene mu miryango.

Ingaruka z’iyi mikino zigera no ku guhora umuntu yishinja igihe yatakajemo amafaranga menshi ntiyunguke, kubura ibitotsi, guhorana umunaniro, gutakaza icyizere, kugira umujinya n’ibindi.

Muri kamwe mu duce tw’Umujyi wa Kigali mu bihe bishize humvikanye inkuru zivuga ko hari ingo zasenyutse kubera ko abagabo batari bagifite ubuhsobozi bwo kuzihahira bitewe no gutakaza imitungo yabo muri iyo mikino.

Muri Gicurasi uyu mwaka, umugabo w’imyaka 60 wo mu Karere ka Kayonza yiyahuye bikekwa ko yabitewe n’uko ‘ikiyabarezi’ cyamuriye ibihumbi 100 by’amafaranga y’u Rwanda yari amaze gukodesha imirima ye.

Sosiyete y’Imikino y’Amahirwe, betPawa, iherutse guhungura imiryango mu Rwanda yitezweho ibisubizo bya bimwe muri ibyo bibazo aho muri serivisi zayo hazaba harimo n’ubujyanama ku bitabira imikino y’amahirwe.

betpawa yashinzwe n’Umunya-Nigeria Oluwatosin Ajibade (Mr Eazi); ifite ishami ku Gisimenti i Remera ndetse ni ryo rya mbere ku butaka bw’u Rwanda.

Mu rwego rwo kurengera ubuzima bw’abatega iyi sosiyete yinjiye mu mikoranire n’Ikigo gitanga Ubujyanama ku bijyanye n’Ubuzima n’Imibereho, Imanzi Counseling and Rehabilitation Center.

Ibi bigo byombi byatangije ubufatanye bushya mu rwego rwo kurushaho kunoza inshingano ku bijyanye n’imikino yo gutega.

Mu gihe utega ahangayikishijwe cyangwa atewe inkeke n’ibikorwa byo gutega bya betPawa, hashyizweho umurongo wihariye yahamagaraho agahabwa ubufasha n’inzobere za Imanzi Counseling and Rehabilitation Center.

Mr Eazi yatangaje ko ubu bufatanye buje ari ingenzi kandi buzagirira akamaro abakiliya ba betPawa muri rusange.

Yagize ati “Tumaze gukora ibintu byinshi byiza mu Rwanda harimo no gufungura ishami rya betPawa ku Gisimenti ariko noneho ubu bufatanye na Imanzi Counseling and Rehabilitation Centre ni ngombwa cyane.”

Yakomeje avuga ko intego zabo ari ukwita cyane ku batega, ahamya ko abakina iyi mikino badakwiye kuyifata nk’isoko y’inyungu kuri bo cyane kuruta uko babifata nk’isoko yo kwishima.

Gutega kuri betPawa bikorwa binyuze ku rubuga rwa internet rwayo rwa www.betpawa.rw cyangwa kuri porogaramu yayo ya telefoni. Inama zitangwa ni uko bigomba gukorwa n’abafite hejuru y’imyaka 18.

Ukinnye muri betPAWA abona amahirwe yo gutega kuva ku ifaranga rimwe ry’u Rwanda akaba yakubirwa kugera kuri 500% ku yo yateze. Ashobora guhitamo imikino itandatu mu cyumweru, akagaragaza uko izarangira akaba yagira amahirwe yo gutsindira miliyoni 25,5 Frw.

Muri iyi mikoranire ya betPawa na Imanzi Counseling and Rehabilitation Centre, biteganyijwe ko mu gihe umuntu yumva atangiye kuba imbata yo gutega ashobora guhahamagara kuri 0790335358 agahabwa ubufasha n’inzobere zibifitiye ubushobozi nta kiguzi.

Uyu murongo wa telefoni uzajya uba ufunguye kuva ku wa Mbere kugera ku wa Gatandatu hagati ya saa mbili z’igitondo na saa kumi n’ebyiri z’umugoroba.

Amakuru ahagije ku buryo umuntu ashobora gutega mu rugero anaboneka ku rubuga rwa betpawa.rw/responsible-gambling ahari n’ibindi bimenyetso bishobora kukwereka ko uri kuba imbata yabyo n’uko wahita ubihagarika.

betPawa yashinzwe mu 2013, ubu ikorera mu bihugu icumi birimo Cameroun, Repubulika Iharanira Demokarasi ya Congo, Ghana, Kenya, Nigeria, Tanzania, Malawi, Uganda na Zambia n’u Rwanda.

Bibarwa ko nibura sosiyete zirenga 20 z’imikino y’amahirwe ari zo zikorera ku butaka bw’u Rwanda.

betPawa ya Mr Eazi yatangije gahunda nshya yo kwita ku buzima bw'abatega

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .