Abanyarwanda bifuza kwiga muri USA na Canada bakuriweho ikiguzi cyo kwiyandikisha

Yanditswe na Mukaneza M.Ange
Kuya 22 Werurwe 2019 saa 01:33
Yasuwe :
0 0

Ikigo ‘United Scholars Center’ gifasha Abanyarwanda n’abandi Banyafurika kujya kwiga mu mahanga, cyatanze amahirwe adasanzwe ku bifuza kujya kwiga muri Leta zunze Ubumwe za Amerika (USA) na Canada, kibakuriraho amafaranga yo kwiyandikisha.

United Scholars Center ikorera mu Rwanda no mu bihugu bihana imbibi, izobereye mu guhuza abanyeshuri n’ibigo by’amashuri meza yo mu bihugu byateye imbere.

Iki kigo gifasha abafite inzozi zo kwiga no kwihugura mu byiciro bitandukanye, kinategura ibikorwa bitandukanye bigamije guhuza kaminuza zo mu bihugu byateye imbere, abiga mu mahanga, abifuza kwigayo n’ababarera.

Aganira na IGIHE, Umuyobozi ushinzwe ububanyi n’amahanga muri United Scholars Center, Niyomurinzi Ismael, yavuze ko kaminuza ebyiri zabemereye ko abiyandikishije binyuze muri iki kigo batazajya bishyuzwa amafaranga yo kwiyandikisha.

Ati “Ibi biri mu rwego rwo gukuraho ikibazo cy’abantu bavugaga ko bishyura ntibemererwe kwiga. Ibi bizajya bikorwa cyane ku bantu bazanye n’ababyeyi babo, twamaze kuganira ku buryo tubona ko koko bujuje ibisabwa.”

Aya mahirwe azatangwa mu gihe cy’amezi abiri, kaminuza abantu bemerewe kwiyandikishamo akaba ari South Dakota State University yo muri Amerika na Cape Breton University yo muri Canada.

Niyomurinzi avuga ko ku zindi kaminuza kwiyandikisha hazakomeza gutangwa amafaranga yagenwe, kuko badashobora kuyakuraho mu gihe ikigo umuntu yifuza kujya kwigaho cyo kiyasaba.

Uretse ibi bihugu kandi, United Scholars Center, yanatangiye kwandika abifuza kujya kwiga mu Bushinwa muri Nzeri 2019, bakaba bagirwa inama yo kuza bagatangira ibirebana no kwiyandikisha hakiri kare.

Niyomurinzi yagize ati “Abantu bakwiye gufata kwiga nk’ishoramari, bakareka kumva ko amahirwe yo kwiga bishyuriwe azabasanga aho bari. Umuntu ashobora kugerayo akiyishyurira nk’umwaka umwe, indi myaka akaba yashakisha uburyo yiga ariko atishyura (scholarships) kandi birashoboka cyane”.

United Scholars Center imaze imyaka itatu itangiye ibikorwa byo gufasha abantu kujya kwiga mu mahanga, aho imaze gufasha abarenga 100 mu gihe abandi basaga 200 bakiri mu nzira zo kwiyandikisha no kwemererwa.

Ikorana n’amashuri ya Leta n’ayigenga asaba amafaranga macye cyane, aho mbere yo kuyahitamo babanza kureba ubumenyi atanga ariko na none bakazirikana ubushobozi bw’Abanyarwanda n’Abanyafurika muri rusange.

Iki kigo gikorera Kimihurura mu Mujyi wa Kigali, munsi ya Lemigo Hoteli n’Inteko Ishinga Amategeko, ku muhanda ujya Sonatube cyangwa ugahamagara kuri 0788307538.

Iki kigo gikorera Kimihurura munsi y'Inteko Ishinga Amategeko y'u Rwanda
United Scholars Center imaze imyaka itatu ifasha abantu kwiga mu mahanga
Umuyobozi ushinzwe ububanyi n’amahanga muri United Scholars Center, Niyomurinzi Ismael, yavuze ko aya mahirwe arebana cyane abiteguye kujya kwiga koko

[email protected]


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Special pages
. . . . . .