Ibiciro biherutse gutangazwa, bigaragaza ko lisansi igura 1629 Frw (1.235$) mu gihe mazutu ari 1652 Frw (1.253$).

Mu bihugu byo mu Karere, muri Uganda lisansi iri kugura 1.464$ naho mazutu ni 1.373$.

Muri Tanzania, lisansi iri kugura 1.185$ naho mazutu ni 1.15$, muri Kenya lisansi igeze kuri 1.453$ naho mazutu ni 1.321$.

Mu Burundi, lisansi iri ku 1.391$ naho mazutu ni 1.365$ naho Repubulika Iharanira Demokarasi ya Congo, lisansi igeze kuri 1.211$, mazutu yo ni 1.207$.

U Rwanda ruri ku mwanya wa gatatu mu bihugu byo mu karere ku biciro bito bya lisansi na mazutu aho rurangajwe imbere na Tanzania birutanaho 0,05$ mu biciro bya lisansi na 0,103$ kuri mazutu, igakurikirwa na RDC birutana 0,0024$ ku biciro bya lisansi na 0,046$ kuri mazutu.

Ingano ya lisansi yinjijwe mu Rwanda hagati ya Nyakanga 2023 na Kamena 2024 ingana na litiro 290.780.377 naho mazutu ni ingana na litiro 189.715.390.