Kuva tariki ya 7-15 Werurwe 2019, Saray Spa ya Kigali Marriott, yateguye ibikorwa byihariye bigamije kwizihiza byinshi abagore bamaze kugeraho hatitawe ku bibatandukanya nk’ubwoko, ururimi, ubwenegihugu cyangwa umuco.

Ubusanzwe Saray ni ijambo ry’Icyarabu risobanuye ‘Ingoro’, iyi nzu ya Kigali Marriott itanga serivisi zo kuruhura umubiri zirimo massage na sauna, ntiteganya gutezuka ku nkomoko y’izina ryayo kuko abayigezemo bose bayigereranya n’ijuru rito.

Umuyobozi wa Saray Spa, Sarah Wambui, yavuze ko ukwezi kwa Werurwe kwahariwe kwizihiza abagore, ari nayo mpamvu babateguriye serivisi zidasanzwe zituma barushaho kubona ko koko bitaweho.

Ati “Ndashishikariza abagore bose gufata umwanya bakiyitaho, ari nako baterekereza kuri ejo heza habategereje. Umwanya umuntu afashe akajya kunanura umubiri (massage) ni ubuzima bwiza aba yungutse, ari nayo mpamvu Saray Spa yashyizeho serivisi zidasanzwe ku bakiliya bacu”.

Abagore bakeneye kuruhuka no kuruhura umubiri bashobora kugana Saray Spa, iherutse no gutangiza uburyo bwihariye bwo kuruhura umubiri wose hifashishijwe imiti gakondo buzwi nka ‘Balinese Massage’.

Saray Spa kandi inatanga ubundi bwoko butandukanye bwa ‘massage’, ifite icyumba kirimo ibyuma bitandukanye bya siporo na piscine nziza.

Izi serivisi zose kandi buri wese ashobora kuzihabwa yaba umuntu uturutse hanze cyangwa umukiliya wacumbitse mu cyumba cya Kigali Marriott, hotel y’inyenyeri eshanu.

Ababyifuza kandi bashobora kujya koga muri Piscine, cyangwa kuruhukira mu nkengero zayo biyumvira akayaga

Abagana Saray Spa bakeneye kuruhura umubiri no kongera gutuma imitima yabo ituza bagereranya Saray Spa nk'ijuru rito

Iminsi umunani Saray Spa yiyemeje kwita ku bari n'abategarugori ibashimira uruhare rukomeye bagira mu muryango

Muri iki gihe benshi bakiri mu birori byo kwizihiza Umunsi mpuzamahanga w'abagore, Saray Spa ya Kigali Marriott yahisemo kubizihiza ibagenera serivisi z'umwihariko

Muri serivisi ziri gutangwa harimo na 'Balinese massage' ikorwa hifashishijwe imiti gakondo n'amavuta y'umwimerere

Saray Spa yiteguye kugeza ku bayigana serivisi nziza zituma bagira ibihe bitazibagirana

[email protected]