00:00:00 IGIHE NETWORK KN KINYARWANDA EN ENGLISH FR FRANCAIS

Bamwe mu bahanzi nyarwanda bagaragaza ko bashyigikira ubusambanyi

Yanditswe na

Vénuste KAMANZI

Kuya 6 November 2012 saa 08:04
Yasuwe :

Babinyujije mu bihangano byabo, bamwe mu bahanzi bo mu Rwanda bajya banyuzamo bagakoresha amagambo benshi bafata nk’ibishegu (urukozasoni) nyamara ziba zizumvwa n’abantu benshi batandukanye harimo n’abana bato baba badakwiye guhabwa ubutumwa nk’ubwo.
Ingero zifatika ni nko mu ndirimbo nshya ikunze gucurangwa cyane mu Rwanda yitwa ‘Bagupfusha Ubusa’, aho umuraperi Fireman asa nk’uwerura akavuga ibishegu, agira ati ”Ni gute umwana nk’uyu yapfuba ohohooo bakamupfusha ubusa, Icyakumpa nkagufiringa,…, (...)

Babinyujije mu bihangano byabo, bamwe mu bahanzi bo mu Rwanda bajya banyuzamo bagakoresha amagambo benshi bafata nk’ibishegu (urukozasoni) nyamara ziba zizumvwa n’abantu benshi batandukanye harimo n’abana bato baba badakwiye guhabwa ubutumwa nk’ubwo.

Ingero zifatika ni nko mu ndirimbo nshya ikunze gucurangwa cyane mu Rwanda yitwa ‘Bagupfusha Ubusa’, aho umuraperi Fireman asa nk’uwerura akavuga ibishegu, agira ati ”Ni gute umwana nk’uyu yapfuba ohohooo bakamupfusha ubusa, Icyakumpa nkagufiringa,…, nooo bébé vayo, wowe vayo vayo, bagupfusha ubusa kandi mu kuri nta n’undi mwari musa”.

Uyu ni Nirere Shanel wahoze yitwa Miss Shanel asa n'urimo gusomana mu mashusho y'indirimboye 'Uniguse'

Muri ‘Bagupfusha Ubusaba’, indirimbo irimo abahanzi benshi bakunzwe cyane mu Rwanda byitwa ko yahimbwe na Zizou, mu nyikirizo yayo humvikanamo imvugo y’amarenga y’abantu basa nk’abari gusomana n’ibindi.

Uretse iyi ndirimbo kandi, hari n’izindi nk’izi zagiye zicurangwa mu Rwanda byumvikanamo amarangamutima aganisha ku busambanyi.

Urugero ni nk’indirimbo ’Umukaraza’, aho nyirayo Riderman yivugira ko ari Inkubaganyi ikwiye kurindwa ahari amasugi (abakobwa b’isugi).

Undi muhanzi na we ni nka P Fla mu ndirimbo yise ‘Naguhaye imbaraga’ yagize ati “Kumenya ibyo abagore bakunda, namenyeye bike kuri ya nseko nziza ya Poetta,… ntere imbere nte ndya akavuyo mu maguru y’abagore, unyaka zigashibuka, umutako w’igitanda,…Abasani turasinya contract (abahanzi turashyira umukono ku masezerano y’akazi) mu macable (mumodoka) tukarya abana na banyina ntitubatinya,…ikibero cya Mama avuye muri dushe (ubwogero) isume ikamucika ni image (ishusho) neretswe,…”.

By’umwihariko P-Fla yumvikanye mu ndirimbo ‘Vuza Vuvuzela’ afatanyije na Neg G the General itarigeze yemererwa gucisha ku maradiyo yose kuko usanga igice kinini cy’igitero cya P-Fla baragikase bagakuramo amagambo avuga ubusambanyi cyane agira ati “Voulez-Vous coucher avec moi? [bisobanuye biti murifuza kuryamana nanjye?]”

Abandi ni abahanzi Paulin na Lambert bakoze indirimbo bise “Yegoyee” abayumvise bemeza ko yimakaza uburaya neza neza kubera uburyo irimbyemo n’amagambo yayo.

N’ubwo aya magambo yumvikana cyane mu ndirimbo z’abaraperi ariko hari n’izindi ndirimbo zagiye zivugwaho byinshi ariko ba nyirazo bakavuga ko ntaho bihuriye n’ibitsina nka “Rwagihuta” ya Masamba Intore, “Akabuto” ya Kitoko n’izindi.

Iki kibazo ariko ntikiri mu magambo y’indirimbo gusa kuko no mu mashusho yazo bisa n’aho uramutse udashyizemo abakobwa bambaye impenure, gusomana n’ibindi nk’ibyo itakundwa.

Urugero rufatika ni nko mu ndirimbo ‘Uniguse’ ya Nirere Shanel no mu ndirimbo ‘Do Me Like That’ ya Tom Close, aho aba bahanzi bombi bagaragaramo basomana.

Uyu ni Tom Close mu mashusho y'indirimbo "Do me like that" bamusoma bamukubaho ururimi

Nirere Shanel, mu kiganiro yagiranye na IGIHE, we avuga ko hari ibintu bigenewe abana n’ibigenewe abantu bakuru. Kuba indirimbo ye yaca ku mateleviziyo cyangwa ibindi bitangazamakuru asanga nta kibazo kibirimo.

Yagize ati "Njye mbona atari urukozasoni, nta bintu by’urukozasoni birimo"



KANDA HANO USHOBORE KUMVA
  Bagupfusha Ubusa By Dj Zizou Alpacino Feat All Stars

Kwamamaza

Kwamamaza

Izindi nkuru wasoma

Inkuru ziheruka - Muzika

New article
08/11/12 - 01:16
Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Special pages
. . . . . .