00:00:00 IGIHE NETWORK KN KINYARWANDA EN ENGLISH FR FRANCAIS

Olado ikomeje gufasha abacuruzi kugeza ibicuruzwa mu mpande zose z’Isi

Yanditswe na Muyisenge Jean Felix
Kuya 27 July 2022 saa 10:47
Yasuwe :

Uko ikoranabuhanga rigenda ritera imbere, ni nako ririmo guhindura imibereho y’abaturage mu ngeri zitandukanye zirimo n’ubucuruzi bwo kuri murandasi, ibizwi nka e-Commerce.

Ubucuruzi bwo kuri murandasi buravuka buri munsi bigendanye n’icyerekezo u Rwanda rwihaye cy’ubukungu budashingiye ku mafaranga agendanwa (Cashless economy).

Umubare w’ibigo bikorera ubucuruzi kuri murandasi ugenda uzamuka mu Rwanda. Muri ibyo bigo harimo sosiyete Olado yatangirijwe mu Rwanda n’Umunyarwandakazi.

Olado ni kimwe mu bigo bitanu bya mbere bikora ubucuruzi kuri murandasi (e-commerce) mu Rwanda byemejwe na Minisiteri y’Ubucuruzi n’Inganda na Minisitri y’Ikoranabuhanga na Inovasiyo, nk’ibigo byizewe kandi bikora neza.

Kuva yatangira muri 2017 Olado icuruza ibicuruzwa by’ubwoko bwose uretse ibiribwa bitaciye mu nganda. Ikintu utumije kikugeraho mbere y’amasaha 24 aho waba uherereye mu gihugu hose n’ahandi waba uri ku isi hose watumiza kuri Olado icyo ushaka cyose kikakugeraho.

Olado kandi ifasha abacuruzi kwagura ubucuruzi bwabo, ibafasha gucuruza no kumenyekanisha ibicuruzwa byabo bakanabibagereza ku baguzi aho baherereye mu gihugu hose ndetse no bindi bihugu.

Bivuze ko ushobora kubaha igicuruzwa cyawe uri mu Rwanda bakakigeza ku muguzi uri ku wundi mugabane. Kugera ubu abacuruzi barenga 200 n’ibo bamaze gufashwa kwagura ubucuruzi bwabo.

Aganira na IGIHE Uwizeye Thadim watangije Olado, yemeje ko yatangije Olado muri 2017 nyuma y’ubunararibonye yari amaze gukura muri sosiyete ya Jumia nayo yakoraga ubucuruzi bwo kuri murandasi, icyo gihe yari imaze guhagarara.

Yagize ati “Nari maze kubona ukuntu ubu bucuruzi bwari butangiye korohereza abanyarwanda, n’uko mpitamo kubukomeza ariko intengo nyamukuru ari guteza imbere Made in Rwanda imbere no hanze y’igihugu”

Yakomeje avuga ko Olado yibanda mu guteza imbere cyane ibindi bicuruzwa bikorerwa mu Rwanda bitari imyambaro n’ubugeni, nk’ibikomoka ku buhinzi n’ibindi bitandukanye.

Ati “Narabibonaga ko hari ibindi bicuruzwa byinshi bikorerwa mu Rwanda nk’ibiribwa byatunganyirijwe mu nganda bifitiye akamaro abantu kuruta ibicuruzwa by’imideli wabonaga abantu bahugiyeho cyane gahunda ya Made in Rwanda igitangira”.

Tadhim avuga ko icyorezo cya Covid-19 cyatumye abantu barushaho gusobanukirwa akamaro ko guhahira kuri murandasi (e-commerce) ari na ko barushaho kuzamurira icyizere Olado.

Tumwe mu dushya tugaragara muri Olado ni uko umukiriya aba afite amahirwe yo gusaba kuguranirwa igicuruzwa yaguze igihe kimugezeho ntabashe kukishimira.

Urugero ni uko uramutse uguze kuri Olado umwambaro w’ibara ritukura ukakugeraho maze ukabona utishimiye iryo bara, uba wemerewe gusaba ko bakuguranira ibara ushaka. Igihe ibara wifuza ritabashije kuboneka, amafaranga yawe uyasubizwa nta kiguzi cyiyongeyeho.

Kugira ngo uhindurirwe cyangwa usubizwe amafaranga yawe, uba ugomba kubisaba mbere y’iminsi ibiri ubonye igicuruzwa. Aya mahirwe kandi ahabwa abakiliya bose ba Olado aho baherereye ku Isi.

Si ibyo gusa kuko n’umukiliya uri guhahira kuri Olado bwambere yemererwa kwishyura ari uko ibyo ahashye bimugezeho (payment after delivery). Ibi bikorwa kugira ngo hubakwe icyizere hagati ya sosiyete n’abakiliya.

Gukoresha serivisi za olado bisaba kubanza ukiyandikisha ku rubuga rwabo www.olado.rw ubundi ugakurikiza amabwiriza cyangwa se ukeneye ubundi bufasha ukifashisha nimero/ whatsapp yabo ari yo 0783229174.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .