Umucamanza yasabye ko Nicolas Sarkozy akorwaho iperereza ku gucuruza ibiyobyabwenge

ByAnge MukanezaKu wa 2 Ugushyingo 2015 saa 07:00

{Umucanza wo mu Mujyi wa Marseille mu Bufaransa yasabye ko Nicolas Sarkozy wigeze kuyobora iki gihugu akorwaho iperereza nyuma yo gukeka ko afite aho ahurira n’ibikorwa byo gucuruza ibiyobyabwenge.}

Uyu mucamanza witwa Christine Saunier-Ruellan yasabye ko hakusanywa amakuru kuri telefone ngendanwa ebyiri za Sarkozy mu rwego rwo kureba niba ntaho ahurira na Alain Afflelou wafatiwe ahitwa Punta Cana muri Repubulika ya Dominican ku itariki 19 Werurwe 2013 afite ibiro 700 bya cocaine.

Le journal du dimanche dukesha iyi nkuru ivuga ko indege yari itwaye uyu Afflelou yagombaga gutwara Sarkozy ku itariki 21 Werurwe 2013 imujyana i Bordeaux aho yari kwitaba umucamanza ku kibazo cya Ingrid Bettencourt.

Iperereza ryakozwe kuri telefone za Sarkozy hagati ya Werurwe na Mata 2013 ryari ryagaragaje ko ntaho uyu mugabo ahurira n’ubucuruzi bw’ibiyobyabwenge.

Ibitekerezo 0

Loading comments...