7sur7 yatangaje ko uwo mugore w’imyaka 31 yari afite abana batatu. Yari yaratandukanye n’uwo mugabo. Ku gicamunsi cyo kuri uyu wa Kabiri nibwo uwo mugabo yahuriye n’uwahoze ari umugore we mu muhanda, abanza kumurasa amaguru.

Umugore amaze kwikubita hasi, umugabo yazanye lisansi ayimusukaho aramushumika amutwika ari muzima kugeza apfuye.

Polisi yo muri icyo gihugu yahise ita muri yombi uwo mugabo ariko ntabwo hatangajwe byinshi ku byatumye agera aho akora igikorwa nk’icyo kigayitse.

Ubwicanyi bukozwe n’abagabo ku bagore babo mu Bufaransa bumaze igihe bugaragara cyane. Umwaka ushize imibare yo muri icyo gihugu igaragaza ko abagore 90 bishwe n’abo bashakanye mu gihe mu 2019 abishwe bari 146.