Ishyirahamwe ry’umupira w’amaguru ku isi,FIFA ni ryo rigiye gukurikirana iryo mu Budage rigiye gukurikiranwa kuri iki cyaha cya ruswa.

Ikinyamakuru Der Spiegel cyandikirwa mu Budage kivuga ko iri shyirahamwe ry’umupira w’amaguru mu Budage ribifashijwemo na sosiyete mpuzamahanga ikora ibikoresho bya sport “ADIDAS” ,rikekwaho gutanga amafaranga arenga miliyoni 5 z’amapawundi akoresha mu Bwongereza kugira ngo babone itike yo kwakira igikombe cy’isi.

Itsinda ryari rishinzwe gutegura u Budage mu guhatanira itike yo kwakira igikombe cy’isi, ryari rikuriwe na Franz Beckenbauer n’umuyobozi w’ishyirahamwe ry’umupira w’amaguru muri iki gihugu,Wolfgang Niersbach rikekwaho gutanga ruswa ku bihugu bigera kuri bine bibarizwa ku mugabane wa Aziya.

Aya mafaranga yanyujijwe ku muyobozi wa Adidas Robert Louis-Dreyfus, ngo yaje guhabwa abayobozi b’amashyirahamwe y’umupira w’amaguru muri Aziya ari na byo bikekwa kuba intandaro y’ihagarikwa ry’umuyobozi w’ishyirahamwe ry’umupira w’amaguru muri Nouvelle Zealand, Charles Dempsey n’uwo muri Koreya y’Epfo, Chung Mong-joon.