{Guverinoma ya Libya yatangaje ko abakirisitu b’abakobute (Copts) 20 bakomoka muri Misiri, bashimuswe n’abarwanyi bo mu mutwe wa kiyisilamu witwa Ansar Asharia.}

Ikinyamakuru Jeune Afrique, cyatangaje ko kugeza ubu, uburyo aba bakirisitu 20 bashimuswe ntiburasobanuka neza n’imyirindoro yabo ntirashyirwa ahagaragara.

Minisitiri w’umutekano w’u Bufaransa , Jean Yves Le Drian, yahamagariye amahanga gushyira hamwe arwanya imitwe y’intagondwa z’Abayisiramu.

Ku wa 23 Ukuboza, umuganga w’umukobute ukomoka mu gihugu cya Misiri, umugore we n’umwana wabo biciwe mu mujyi wa Sirte.

Kuri ubu, Libya iyobowe n’inteko nshingamategeko ebyiri, iy’umutwe w’intagondwa wa Fajr Libya n’iy’ubuyobozi bwemewe n’umuryango mpuzamahanga ifite icyicaro mu mugi wa Tobruk hafi y’umupaka wa Misiri.