Izi nkingo zizatangwa bitarenze umwaka utaha nyuma y’izo Amerika yari iherutse kwemerera ibi bihugu zigera n’ubundi kuri miliyoni 500 zakozwe n’uruganda rwa Pfizer na BioNTech nk'uko tubikesha VOA.

Biteganyijwe ko bitarenze mu mpera z’ukwezi kwa Gatandatu mu mwaka utaha wa 2022 zizaba zamaze gutangwa. Zose hamwe zizaba zujuje umubare ungana na miliyari Amerika imaze kwemerera gutanga mu bindi bihugu.

Ibi Biden yabitangaje mu nama Biden yagiranye n’abahagarariye ibihugu birimo u Bwongereza, Canada, Indonesie, Afurika y’Epfo, hamwe n’Umuyobozi w’Ishami ry’Umuryango w’Abibumbye ryita ku Buzima, OMS. Iyi nama yabaye hifashishijwe ikoranabuhanga.

Perezida Biden yifatanyije n’umugambi OMS yihaye yo kuzaba hamaze gukingirwa hafi 70% by’abatuye isi mu mwaka utaha no gusaba ibihugu bikize kongera ibikorwa byo kurwanya ikwirakwira ry’icyorezo cya Covid-19.