Abasinye kuri iyo baruwa barimo mpuguke zihuriye mu ihuriro ry’amashuri makuru na za Kaminuza zirimo; Columbia, Berkeley, Harvard, Yale, kaminuza ya George Washington na Kaminuza ya Michigan.

Abanyamategeko bagendeye kuri Telephone ya Trump asaba Perezida wa Ukraine ubufasha buganisha kuzatuma atsinda amatora y’umukuru w’igihugu ataha.

Mu ibaruwa y’izo mpuguke mu by’amategeko bavuze ko imyitwarire ya Trump igaragara nk’icyasha kuri demokarasi kandi hari ‘ibimenyetso bikomeye by’uko yagambaniye indahiro ye ashaka gukoresha ububasha bwa Perezida mu gushyira igitutu ku yindi guverinoma ngo imufashe gutsinda amatora’.

Ivuga kandi ko ‘ku bw’inyungu ze na politiki yagambaniye inyungu z’umutekano w’igihugu.

Abasinye bavuze ko imyitwarire ya Trump yafatwa nka ruswa, cyangwa ubugambanyi kandi byose bishimangira neza ko agomba kweguzwa hagendewe ku itegeko nshinga.

Ibi bibaye nyuma y’uko izindi mpuguke enye zitanze ubuhamya imbere ya komisiyo ishinzwe ubutabera mu nteko ishinga amategeko, muri iki cyumweru, aho batatu muri bo bemeje ko ibyakozwe na Trump bikwiye kumweguza.

Aba-démocrates bafite gahunda ko kweguza Trump byaba mu ntangiriro za 2020 aho gutegereza ko byegera amatora ateganyijwe ku wa 03 Ugushyingo 2020.

Impuguke zirenga 500 zemeje ko ibyo Trump yakoze bikwiye kumweguza
Impuguke zirenga 500 zemeje ko ibyo Trump yakoze bikwiye kumweguza