Facebook yatangaje ko urwo rukuta rwakuweho hubahirizwa amabwiriza yo guhangana n’ibihuha bikwirakwizwa kuri urwo rubuga by’umwihariko ku ndwara ya Covid-19.

Hari amashusho Maduro yari aherutse gushyira ku rukuta rwe ashishikariza abaturage gukoresha umuti wa Carvativir. Maduro yabwiye abaturage ko udutonyaga duke tw’uwo muti dukiza Covid-19.

Umuvugizi wa Facebook yabwiye AFP ko ibyakozwe na Maduro bihabanye n’amabwiriza y’Umuryango Mpuzamahanga wita ku Buzima (OMS), avuga ko nta muti uraboneka ku cyorezo cya Covid-19.

Abantu basaga 154 000 nibo bamaze kwandura Covid-19 muri Venezuela mu gihe abasaga 1500 imaze kubahitana.