Tom Close agiye guca agahigo mu muziki nyarwanda

Yanditswe na

Richard Irakoze

Kuya 4 Ukuboza 2014 saa 07:10
Yasuwe :
0 0

Tom Close agiye kuba umuhanzi wa mbere ushyize hanze Album esheshatu mu bahanzi b’umuziki w’ikigero cye, ni ukuvuga umuziki mushya wo mu bihe byo mu myaka yo guhera 2000 kuzamura.
Iyi Album yise “ISI” azayimurika kuwa Gatandatu tariki 6 Ukuboza 2014, muri Kigali Serena Hotel, guhera saa kumi n’ebyiri z’umugoroba, aho kwinjira biza ari amafaranga ibihumbi bitanu kuri buri muntu.
Azayimurikana n’indi Album ye, ya gatanu, asohoye atinze ho umwaka bitewe na gahunda z’ubukwe yagize mu mwaka yagombaga (...)

Tom Close agiye kuba umuhanzi wa mbere ushyize hanze Album esheshatu mu bahanzi b’umuziki w’ikigero cye, ni ukuvuga umuziki mushya wo mu bihe byo mu myaka yo guhera 2000 kuzamura.

Iyi Album yise “ISI” azayimurika kuwa Gatandatu tariki 6 Ukuboza 2014, muri Kigali Serena Hotel, guhera saa kumi n’ebyiri z’umugoroba, aho kwinjira biza ari amafaranga ibihumbi bitanu kuri buri muntu.

Azayimurikana n’indi Album ye, ya gatanu, asohoye atinze ho umwaka bitewe na gahunda z’ubukwe yagize mu mwaka yagombaga kuyisohoramo.

Album ISI igiye gutuma aca agahigo igizwe nindirimbo 10 ari zo; Umwana wa mabukwe (atarasohora), Umugabo uhiriwe, Ihogoza, Bazanyica, Ibintu Byarahindutse, Byararangiye, Byakuvuna (yakoranye n’abahanzi bo muri Kina Music), Isi, Ngushime na Nshatse Inshuti yakoranye na Makanyaga n’abahanzi bo muri Kina Music).

Tom Close ari mu myiteguro yo kumurika Album ye nshya

Asobanura akanyamuneza atewe n’igitaramo ateganya kuzamurikamo iyi Album yita idasanzwe mu buzima bwe, Tom Close watangiye ubuhanzi mu 2005 yagize ati “Ndashimira abamfashije kugera kuri iyi Album ya 6 n’iya 5 kuko ni ikintu numva kimpa imbaraga. Ni ikintu gitanga icyizere mu muziki nyarwanda.”

Agaragaza imvune n’umuruho yagize kugira ngo agere kuri aka kazi k’indashyikirwa, Tom Close yongeyeho ati “Naje kubona ko bisaba imbaraga nyinshi mu muziki zaba iz’abafana, iz’itangazamakuru, iz’umuhanzi ku giti cye n’iz’Imana.”

Clement Ishimwe, umuyobozi wa Kina Music, ni we watunganyije iyi Album yose.

Nawe asangiye ibyishimo n’uyu muhanzi yafashije kongera kugaruka no kwigaragaza bundi bushya mu muziki ubwo yari yugarijwe n’umwuka mubi wuje urwango wamuvugwagaho mu itangazamakuru.

Yagize ati “Ni ubwa mbere umuntu agera kuri Album esheshatu, ni ishema ku muhanzi ubwe ariko kandi rikaba n’ishema rua Kina Music; ibi byerekana ko hari akazi umuntu aba yaratangiye akagaha agaciro kandi ntiyagera aha adafite impano.”

Ku myaka 28, Tom Close ubusanzwe witwa Thomas Muyombo, afite umwana yabyaranye na Niyonshuti Ange Tricia baheruka gushyingiranwa mu 2013.

Mu 2011, Tom Close yaciye agahigo ko kuba umuhanzi wegukanye ku ikubitiro igihembo kuri ubu gikuru kurusha ibindi mu mafaranga mu muziki nyarwanda cy’irushanwa rya Primus Guma Guma Super Star gitangwa na BRALIRWA.

Uretse izi Album ebyiri Isi na Ndakubona agiye gusohorera rimwe, izindi Album za Tom Close ni izitwa Kuki, Si beza, Ntibanyurwa na Komeza Utsinde.

Amatike y’igitaramo Isi cya Tom Close ari kugurishirizwa kuri Internet, ku rubuga rwa Kaymuku giciro cyagabanyijwe.

Mu gutanga Noheri n’Ubunani, Tom Close nawe yatanze amatike y’ubuntu, aho usubije ibibazo biri ku rubuga rwe HANOwatsindira itike.

[email protected]


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza