Theo “Bosebabireba” arahakana kubyarana n’umuririmbyikazi we

Yanditswe na

Jean Paul Ibambe

Kuya 1 Gashyantare 2014 saa 09:58
Yasuwe :
0 0

Umuririmbyi w’indirimbo zihimbaza Imana uzwi ku izina rya Bosebabireba, Uwiringiyimana Theogene, arahakana inkuru ziviga ko yaba yarabyaranye n’umwe mu bakobwa bamufasha kuririmba witwa Ingabire Aimée.
Mu kiganiro Bosebabireba yagiranye n’umunyamakuru wa IGIHE, yatangaje ko ibyo ari ibihuha ndetse atanazi niba koko uwo mukobwa bavuga ko babyaranye yari atwite.
Bose Babireba ati: “Ibyo ni ibihuha rwose nta kintu mbiziho, ndahiye ukuri kw’Imana ko ntanazi niba koko n’uwo mukobwa Aimée bavuga (...)

Umuririmbyi w’indirimbo zihimbaza Imana uzwi ku izina rya Bosebabireba, Uwiringiyimana Theogene, arahakana inkuru ziviga ko yaba yarabyaranye n’umwe mu bakobwa bamufasha kuririmba witwa Ingabire Aimée.

Bosebabireba

Mu kiganiro Bosebabireba yagiranye n’umunyamakuru wa IGIHE, yatangaje ko ibyo ari ibihuha ndetse atanazi niba koko uwo mukobwa bavuga ko babyaranye yari atwite.

Bose Babireba ati: “Ibyo ni ibihuha rwose nta kintu mbiziho, ndahiye ukuri kw’Imana ko ntanazi niba koko n’uwo mukobwa Aimée bavuga yarabyaye.”

Bosebabireba yakomeje avuga ko naho uwo mukobwa yaba yarabyaye, ntacyerekana ko yaba ariwe babyaranye.

Ati: “Njye mfite umugore wanjye tubana kandi tumeranye neza, niba uwo mukobwa yaranabyaye koko, nta cyerekana ko ari njye twabyaranye kuko kuririmbana nawe ntibivuze ko twanabyarana.”

Bosebabireba avuga ko atari ubwa mbere bamubeshyera kuryamana n’abakobwa. Ati: “Si ubwa mbere bavuga ibintu nk’ibyo, cyakoze babivugaga gusa ubu bwo banabyanditse, hari undi bigeze kuvuga kandi we yaranashyingiwe i Bugande, ni abanyamatiku baba bashaka kumparabika.”

Mu gihe hari amakuru yavugaga ko Bosebabireba yaba yarihishe kubera ibi ndetse na telefone ye itari ku murungo, ubwo umunyamakuru wa IGIHE yamuhamagaragara ngo bavugane babashije kuvugana ndetse yari mu Mujyi wa Kigali i Nyabugogo.

IGIHE yagerageje uburyo yavugana n’uyu mukobwa Ingabire Aimée ngo agire icyo avuga kuri ibi bimuvugwaho, ariko ntiyaboneka, turakomeza kubikurikirana.

Reba indirimbo Umutima Uragukumbuye ya Theo hano:

[email protected]


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza