RDC: Mani Martin yateye ibuye rimwe ryica inyoni ebyiri

Yanditswe na

Munyengabe Murungi Sabin

Kuya 14 Gashyantare 2015 saa 04:53
Yasuwe :
0 0

Mani Martin wahagarariye u Rwanda mu iserukiramuco mpuzamahanga rya muzika, Amani Festival riri kubera muri Repubulika Iharanira Demokarasi ya Congo yashimishijwe bikomeye n’uburyo yakiriwe ndetse by’akarusho akaba yaragize amahirwe yo gukorana indirimbo n’umwe mu bahanzi bakomeye muri iki gihugu.
Mu kiganiro na IGIHE, Mani Martin yavuze ko umugambi yajyanye muri RDC kwari ukwereka amahanga urwego umuziki nyarwanda ugezeho gusa ngo yagize umugisha ukomeye wo kuririmbira ku rubyiniro rumwe (...)

Mani Martin wahagarariye u Rwanda mu iserukiramuco mpuzamahanga rya muzika, Amani Festival riri kubera muri Repubulika Iharanira Demokarasi ya Congo yashimishijwe bikomeye n’uburyo yakiriwe ndetse by’akarusho akaba yaragize amahirwe yo gukorana indirimbo n’umwe mu bahanzi bakomeye muri iki gihugu.

Mu kiganiro na IGIHE, Mani Martin yavuze ko umugambi yajyanye muri RDC kwari ukwereka amahanga urwego umuziki nyarwanda ugezeho gusa ngo yagize umugisha ukomeye wo kuririmbira ku rubyiniro rumwe n’umuhanzi w’igihangange muri iki gihugu Bill Clinton Kalonji.

By’akarusho kandi, Mani Martin yakoranye indirimbo n’umwe mu bahanzi bamaze kubaka izina mu buryo bukomeye witwa Innocent Balume benshi bazi nka Innoss’B . Uyu muhanzi wakoranye na Mani Martin indirimbo bise ‘Sarafina’ yegukanye amarushanwa ya muzika akomeye muri Congo ya Vodacom Super Star nyuma akaba yarakoranye indirimbo n’abahanzi b’ibyamamare ku Isi barimo Akon, afitanye ubumwe kandi n’abahanzi bakomeye ku Isi barimo Sean Paul, Jaden Smith n’abandi.

Mani Martin ati “Muri Amani Festival nahungukiye byinshi, icya mbere banyakiriye neza, bishimiye indirimbo zanjye cyane izo muri Swahili, nyinshi nasanze bazizi. Nashimishijwe n’ukuntu naririmbiye ku rubyiniro rumwe n’umuhanzi ukomeye nka Bill Clinton Kalonji, yaririmbye muri Wenge Muzika, ni umwe mu bakomeye cyane muri Congo.”

Mu kiganiro yagiranye na Jeune Afrique, Mani Martin yavuze ko iri serukiramuco ryamufashije cyane mu kwagura umuziki we no kwerekana urwego umuziki w’u Rwanda ugezeho.

Nyuma ya ‘Sarafina’ Mani Martin yakoranye na Innocent Mbalume, manager we yatangiye ibiganiro na Bill Clinton Kalonji ngo arebe ko byakunda aba bahanzi bombi bagakorana indirimbo.

Yagize ati “Manager wanjye yatangiye kuganira na Bill Clinton Kalonji turebe ko byacamo neza dukorane indirimbo. Cyaba ari ikintu gikomeye kuko izina ryanjye ryagera kure”

Iri serukiramuco ryatangiye kuwa Gatanu tariki ya 13 Gashyantare 2015 rizasozwa kuri iki Cyumweru tariki ya 15 Gashyantare hanyuma Mani Martin na Kesho Band bazagaruke mu Rwanda kuwa Mbere.

Biteganyijwe ko abantu bagera ku 300,000 aribo bazagera aho ibitaramo bya Amani Festival biri kubera.

Mani Martin aririmba muri Amani Festival
Mani Martin aririmba muri Amani Festival
na Bill Clinton Kalonji akigera i Goma

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Special pages
. . . . . .