Dr Jiji yasobanuye ibanga rihishe mu bagore yibandaho mu ndirimbo

Yanditswe na

Munyengabe Murungi Sabin

Kuya 29 Kanama 2015 saa 11:41
Yasuwe :
0 0

Dr Jiji, ubusanzwe witwa Janvier Mugabukwari akunze kuririmba ku nsanganyamatsiko yihariye kandi igaruka cyane ku bagore n’ibijyanye n’imibonano mpuzabitsina, byose ngo abiterwa n’uko yavumbuye ibanga risangiwe n’igitsinagore ku Isi.

Uyu mugabo w’imyaka 34 y’amavuko yasobanuye ko impamvu nyamukuru ituma yibanda ku ndirimbo zivuga ubwiza bw’abagore ndetse by’umwihariko agakora amashusho yiganjemo abagore bambaye ubusa, ngo byose abikomora ku kuba ari bo bayoboye Isi mu bintu bitandukanye.

Mu busesenguzi Dr Jiji ubwe yakoze, ngo yasanze abagore ari bo bukungu bw’isi bakaba umunyu buri wese yifuza kurigata bityo ahitamo kubibandaho mu bihangano bye.

Yagize ati “Abagore nibo bayoboye Isi yose, nibo bukungu bw’Isi, ni umunyu w’Isi, ibiryo bitarimo umunyu nta buryohe”

Kuba akunze gukora indirimbo zirimo abakobwa bambaye ubusa, ngo nta kibazo na gito biteza hagati ye n’umugore ngo kuko barushinze abizi neza ko arwubakanye n’umuhanzi.

Yagize ati “Umugore wanjye si umuntu wa showbiz, ntiyita cyane kubya muzika n’uburyo ikorwa, namurongoye nkora muzika, arabinyubahira, aziko ari akazi, tubibanyemo neza cyane.”

Dr Jiji kandi yongeye gushimangira ko Abanyarwandakazi bafite ubwiza buhebuje bityo akaba ashaka kongera gukora indirimbo ibasobanura.

Ati “Biragoye kubagereranya n’abandi bo hanze kuko bafite ubwiza burenze. Abanyarwandakazi ni beza, nzongera mbiririmbe.”

Uyu muhanzi washyize hanze indirimbo ‘Because I Love You’ ngo afite intego yo “Gushimisha abantu mu ndirimbo haba audio na video no gukorera amafaranga ngamije gushaka ubukire”

“Ndi kwinjira mu isoko mpuzamahanga rya muzika, niyo mpamvu wumva nakoze injyana nk’iyi.”

Dr Jiji ngo afite gahunda yo gukora umuziki mu ndimi enye zivugwa mu Rwanda Igifaransa, Icyongereza, Igiswahili n’Ikinyarwanda kivugwa n’umubare munini w’abatuye mu gihugu.

Ati “Mfite gahunda yo gukora muzika mundimi enye (Ikinyarwanda, Igiswahili, Icyongereza n’Igifaransa) kuko ndazivuga kandi hari abantu benshi bakeneye indirimbo nziza muri izo ndimi. Ndi kubaka izina mubuhanzi burenga umupaka, nkorana n’abahanzi bo hanze bafite amazina akomeye ariko mbanje kubereka ko nanjye ntari agafu k’imvugwa rimwe.”

Zimwe mu ndirimbo yamenyekanyeho cyane ni Super Market, Antere ibuye na Welcome to bed yahagaritswe na Minisiteri y’Umuco kubera amashusho yayo arimo ibijya gusa n’ubusambayi.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Special pages
. . . . . .