Yayeli, umuririmbyi ukomeye wa Kingdom of God Ministries yarongowe (Amafoto)

Yanditswe na Uwiduhaye Theos
Kuya 6 Ukwakira 2019 saa 03:35
Yasuwe :
0 0

Niyitegeka Yayeli, umuririmbyi ukomeye mu Itsinda ryo kuramya no guhimbaza Imana rya Kingdom of God Ministries yasezeranye imbere y’Imana na Producer Rukundo Eric ufite inzu itunganya umuziki ya The Capital Records.

Yayeli n’umukunzi we basezeranye imbere y’Imana ku wa Gatandatu, tariki 5 Ukwakira 2019, nyuma yuko Producer Rukundo yari avuye gusaba no gukwa Yayeyi mu birori byabereye ahitwa Havilla Village ku Kicukiro ho mu Mujyi wa Kigali.

Aba bombi baheshejwe umugisha mu rusengero bagaragiwe n’inshuti n’abavandimwe bari bateraniye mu rusengero rwa Healing Centre i Remera.

Abaririmbyi bakorana umurimo w’ivugabutumwa na Yayeli muri Kingdom of God Ministries bari mu batashye ubukwe bwe n’abandoi biganjemo ababarizwa mu ruhando rw’umuziki uhimbaza Imana.

Yayeli yarushinze nyuma yuko ku wa 26 Nzeri 2019, yasezeranye na Rukundo imbere y’amategeko mu muhango wabereye mu Murenge wa Kagarama mu Karere ka Kicukiro mu Mujyi wa Kigali.

Yayeli agaragara atera mu ndirimbo nyinshi za Kingdom of God Ministries zirimo “Nzamuhimbaza” iri no mu zamenyekanye cyane mu z’iri tsinda, ‘‘Ndi ukomeye’’ n’izindi.

Muri “Victorious Live Concert”, igitaramo cyateguwe na Kingdom of God Ministries cyabereye kuri Christian Life Assembly (CLA) i Nyarutarama ku wa 16 Nzeri 2018, Rukundo yari yambitse impeta asaba Yayeli kuzamubera umugore.

Icyo gihe igitaramo kigana ku musozo, Rukundo yasatiriye aho abaririmbyi bari bahagaze imbere y’imbaga, apfukama imbere y’umukunzi we amusaba kubana akaramata. Na we ntiyazuyaje yahise amubwira “Yego.”

Urukundo rwa Producer Rukundo w’imyaka 30 na Yayeli rwatangiye kuvugwa mu 2017. Mu Ugushyingo Yayeli yifurije umukunzi we isabukuru y’amavuko ashimangira ko ari amahitamo mu buzima bwe bwose.

Niyitegeka asengera muri Eglise Vivante i Kabuga. Yatangiye kuririmba akiri muto. Yakuriye muri korali ndetse yanyuze mu itsinda “The Queens” ry’abakobwa bihariye mu kuririmba ryashinzwe na Aline Gahongayire.

Niyitegeka Yayeli ubwo yageraga aho yasezeraniye n'umukunzi we
Yayeli ni umuririmbyi ukomeye wa Kingdom of God Ministries
Urukundo rwa Producer Rukundo w’imyaka 30 na Yayeli rwatangiye kuvugwa mu 2017
Yayeli na Rukundo bamaze igihe bari mu munyenga w'urukundo
Niyitegeka Yayeli na Producer Rukundo Eric ufite inzu itunganya umuziki ya The Capital Records basezeranye kubana akaramata
Wari umunsi w'akanyamuneza...
Yayeli yambika umukunzi we impeta y'isezerano
Umunezero wabarenze bawucubya bagwana mu byano
Janvier Kayitana wamamaye mu ndirimbo yitwa 'Jehovah' yaririmbiye abageni
Producer Rukundo yahamije ko yakundiye Yayeli ko ari umukobwa w'umutima kandi ukijijwe
Yayeli yahamije isezerano ryo mu nyandiko ko abaye umugore wa Rukundo
Yayeli na Rukundo bahawe icyemezo gihamya ko basezeranye imbere y'Imana

-  Reba “Ndi ukomeye”, imwe mu ndirimbo Yayeli atera

Amafoto: Niyonzima Moïse


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza