Video: Allioni yahishuye icyari cyatumye ahagarika umuziki

Yanditswe na Munyengabe Murungi Sabin
Kuya 30 Kanama 2018 saa 10:01
Yasuwe :
0 0

Allioni, umwe mu bakobwa bigaragaje cyane mu muziki mu gihe gishize yari amaze imyaka ibiri yarashyize ku ruhande ibyo kuririmba, yongeye kubyutsa inganzo mu mikoranire mishya na Decent Entertainment.

Uyu muhanzi ubusanzwe witwa Buzindu Uwamwezi Aline, yaherukaga kugaragara mu bya muzika mu 2016. Icyo gihe yitabiriye Primus Guma Guma Super Star avamo ahita aceceka.

Ubu, Allioni aravuga ko yongeye kugaruka mu muziki ubudasubira inyuma.

Mu kiganiro na IGIHE, Allioni yavuze ko yafashe umwanzuro wo guhagarika umuziki mu gihe cy’imyaka ibiri nyuma y’uko yabonaga ‘atari guhamya intego yari yihaye nk’umuhanzi’.

Yagize ati “Icyo ntakoraga ni ukudakora ibikorwa ngo mbishyire hanze ariko n’ubundi nabagaho nk’umuhanzi, najyaga muri studio ngakora indirimbo ntizisohoke.”

Yongeyeho ati “Kuva mu 2016 nibwo nafashe ikiruhuko gito mba mpagaritse gusohora indirimbo, nabonaga umuziki wanjye utari kugenda neza, ahantu nashakaga kuwerekeza siho wajyaga.”

Allioni ngo kutagira icyerekezo “Mu byo naburaga harimo kutagira umujyanama ku buryo azajya aziba icyuho igihe ntahari, nagiye mu masomo.”

Yavuze ko amasezerano y’imyaka itatu afitanye na Muyoboke Alex azahindura byinshi mu rugendo rushya rw’umuziki agarutsemo.

Ati “Ni ubwa mbere ngize manager mu muziki, icyo numva bizamarira ni uko hatazongera kubaho gutinda gusohora indirimbo nka kumwe byambagaho nkamara amezi atandatu ntakora indirimbo.”

Ubu, afite indirimbo nshya yise ‘Hahandi’ yakorewe muri Uganda mu gihe gishize mu buryo bw’amajwi n’amashusho, nyuma yayo azahita asohora indi nayo izaba iherekejwe n’amashusho.

Reba’Hahandi’, video nshya ya Allioni


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza