Ibyo utamenye byabereye i Kayonza mu ijonjora rya Miss Rwanda 2020

Yanditswe na Nsengiyumva Emmy
Kuya 12 Mutarama 2020 saa 12:33
Yasuwe :
0 0

Nk’uko ariho izuba rirasira ni n’iwabo w’abari b’ibizungerezi binagaragarira ku bwitabire buri hejuru muri Miss Rwanda buri mwaka, akenshi ni naho hatoranywa abakobwa benshi mu ijonjora ugereranyije n’izindi ntara.

Gusa n’ubwo ariho hakunze kuva abakobwa benshi ku rwego rw’Intara bahatana muri Miss Rwanda, havuye Nyampinga umwe rukumbi [Akiwacu Colombe wambitswe ikamba mu 2014] mu gihe cy’inshuro zirindwi iri rushanwa rimaze kuba nyuma ya Jenoside yakorewe Abatutsi mu 1994.

Miss Rwanda 2020 irarimbanyije, abakobwa bazahagararira Intara zose z’u Rwanda bamaze kumenyekana mu gihe hagitegerejwe abazahagararira Umujyi wa Kigali mbere y’uko habaho gutoranya 20 bazajya mu mwiherero.

Kuri uyu wa 11 Mutarama 2020 mu ijonjora ryabereye mu karere ka Kayonza abakobwa batandukanye bari babukereye ari benshi.

Mu ijonjora ryo kuri uyu wa Gatandatu byatangajwe ko hari hiyandikishije abakobwa 90, gusa 41 nibo bitabiriye mu gihe 30 aribo bari bujuje ibisabwa byo gutuma bitabira irushanwa.

Muri 30 batambutse imbere y’akanama nkemurampaka, abakobwa 15 nibo batorewe guhagararira Intara y’Iburasirazuba.

Umwe mu bayobozi mu karere yari yitabiriye

Aho akarere ka Kayonza kabereyemo irushanwa gatandukaniye n’ahandi ryanyuze ni uko ahandi nta na hamwe hagaragaye abayobozi bo mu nzego za Leta.

Ubwo habaga ijonjora ryo gushakisha abakobwa bazahagararira Intara y’Iburasirazuba muri Miss Rwanda 2020, hari hitabiriye Umuyobozi w’Akarere ka Kayonza wungirije ushinzwe imibereho myiza, Harerimana Jean Damascène.

Uyu muyobozi yabwiye IGIHE ko yishimiye kumva imishinga abakobwa bafite ndetse yanyuzwe n’uburyo ifitiye akamaro Akarere kabo.

Yijeje abakobwa bose bahiyamamarije ubufasha bwo mu bitekerezo n’ubushobozi igihe bwaba buhari ariko imishinga yabo igashyirwa mu ngiro cyane ko imyinshi yasanze ifite aho ihuriye na gahunda za Leta by’umwihariko.

Keza Yusla yatsimbaraye ku idini rye

Keza Yusla wari witabiriye bwa kabiri Miss Rwanda yahingutse ahaberaga irushanwa yitandiye bya kisilamu. Uyu mukobwa mu kiganiro yagiranye na IGIHE yahamije ko amaze gukura mu myemerere bityo ko aho gukuramo uyu mwenda yari kureka kwiyamamaza.

Uyu mukobwa mu 2019 utari wabashije kurenga iyi ntara n’uyu mwaka niko byagenze kuko atabashije kwitwara neza imbere y’akanama nkemurampaka katamuhaye amanota atuma agaragara muri 15 bazahagararira Uburasirazuba muri Miss Rwanda 2020.

Irushanwa ryarangiye mu ijoro abakobwa batumirizwa imodoka ibacyura

Umubare munini w’abakobwa bagombaga kubazwa n’isaha yateganyijwe gutangiriraho ibazwa, byatumye irushanwa rirangira ritinze.

Hafi saa mbiri z’ijoro nibwo hatangajwe abakomeje mu irushanwa rya Miss Rwanda 2020 bahagarariye Intara y’Iburasirazuba ndetse n’abatabashije gukomeza.

Muri aba bakobwa hari higanjemo umubare munini w’abaturutse i Kigali byari kugora kubona uko bataha.

Ibi byatumye ubuyobozi bwa Miss Rwanda butumiza imodoka muri gare, iza kubarindira irushanwa rikomeza mu mutuzo abantu bashyize umutima hamwe basoje ibafasha mu rugendo.

Tariki 18 Mutarama 2020 hazaba hatahiwe ijonjora ryo mu mujyi wa Kigali.

Video: Ubwiza bw’abakobwa bitabiriye Miss Rwanda 2020 i Kayonza

Ubusesenguzi bw’abakurikirana Miss Rwanda 2020 buri munsi

Video: Keza yitabiriye Miss Rwanda 2020 yambaye umwambaro wa Islam

Abakobwa biyamamarije i Kayonza bari bifitiye icyizere

Reba ubwiza bw’abakobwa bitabiriye Miss Rwanda 2020 i Kayonza

Video: Ibyiyumviro by’abakobwa bazindutse ahabereye Miss Rwanda i Kayonza

Abiyamamarije mu Karere ka Kayonza bafunguriwe amarembo

Ibyishimo by’abakobwa batsindiye guhagararira Uburasirazuba

Mike Karangwa, Mutesi Jolly na Evelyne Umurerwa bari bagize akanama nkemurampaka
Abakobwa 30 bitabiriye Miss Rwanda Iburasirazuba
Abatsinze muri Miss Rwanda 2020 Iburasirazuba

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Special pages
. . . . . .