00:00:00 IGIHE NETWORK KN KINYARWANDA EN ENGLISH FR FRANCAIS

Ibyo wamenya ku rukundo ruri guca ibintu rw’Umunyarwandakazi n’uwahoze ari Umudepite mu Bwongereza (Amafoto)

Yanditswe na Umutoni Rosine
Kuya 17 Mutarama 2023 saa 11:10
Yasuwe :

Claudine Uwamahoro w’imyaka 28 ari mu munyenga w’urukundo na Simon Danczuk w’imyaka 56 ukomoka mu Bwongereza, ndetse mu gihe kiri imbere bashobora gushyingiranwa.

Danczuk ni umugabo uzwi muri politiki y’u Bwongereza kuko yabaye umudepite w’ishyaka Labour Party mu 2010 - 2017. Icyakora, yanavuzwe mu bundi buryo cyane cyane mu nkuru zijyanye n’ubusambanyi, no mu gihe yari mu nshingano za leta.

Danczuk ashobora kuba arusha umukunzi we imyaka hafi 30 ariko imbaraga z’urukundo zaganje iz’imyaka, ndetse bivugwa ko bazashyigiranwa muri iyi mpeshyi, ubukwe bukabera mu Rwanda.

Ku rundi ruhande, buzaba ari ubwa gatatu uyu mugabo ashatse, n’ubwa mbere ku mukobwa.

Ikinyamakuru Daily Mail cyatangaje ko batangiye gukudana muri Werurwe umwaka ushize, inshuro nyinshi bakavugana kuri telefoni cyangwa ku ikoranabuhanga ry’amashusho.

Ibintu byagiye mu buryo mu minsi mikuru, bayirira mu Mujyi wa Kigali ndetse bariyongeza.

Amafoto yashyizwe hanze abagaragaza bari kumwe muri hoteli basangira icyo kunywa, umukobwa akajya muri ’piscine’, nyuma umugabo akamusangamo.

Bagaragara basomana batwawe, mu buryo buhamya ko yaba Uwamahoro na Danczuk babirimo neza.

Ubwo yageraga mu Rwanda, byatangajwe ko Danczuk yari kumwe n’abahungu be babiri, uw’imyaka 14 n’uwa 12, kugira ngo abereke Uwamahoro.

Bagize ibihe byiza mu Rwanda haba muri Kigali Marriott Hotel no muri Pariki y’Igihugu y’Akagera, nk’uko amafoto yabo abigaragaza.

Uyu mugabo yashakanye bwa mbere na Sonia Rossington babyarana abana babiri barimo uwitwa George w’imyaka 25 na Mary w’imyaka 20, baza gutandukana amushinja kumuhoza ku nkeke ngo bakore imibonano mpuzabitsina nta gahenge, ibintu umugabo yahakanye.

Danczuk yaje gushakana na Karen Burke, umukobwa wari uzwi cyane mu gukoresha imbuga nkoranyambaga ku buryo bamwitaga ’selfie queen’.

Umubano wabo wageze ku iherezo nyuma y’imyaka itatu, ubwo mu 2015 amakuru yajyaga hanze ko uyu mugabo yaryamanye n’umukobwa w’imyaka 22 mu biro bye.

Na nyuma yo gutandukana, yaje gushijwa koherereza ubutumwa budakwiye umukozi w’umukobwa ufite imyaka 17, amubwira ko afite ubushake bw’imibonano mpuzabitsina.

Daily Mail ivuga ko "Danczuk yaje kwemera ko intege nke ze ari abakobwa bato, ndetse ko yagiye gushaka ubujyanama ku kibazo cyo gukunda imibonano mpuzabitsina mu buryo bukabije."

Icyakora, ibi byose n’imyaka y’umukunzi ngo ntacyo bibwiye Uwamahoro, nk’uko aheruka kubitangaza,.

Yagize ati "Icy’ingenzi ni uko umuntu nkunda ari we wanjye."

Mu Itangiriro 2:18 haranditse ngo "Kandi Uwiteka Imana iravuga iti ’Si byiza ko uyu muntu aba wenyine, reka muremere umufasha umukwiriye’."

Danczuk n'umukunzi we bakunze gusohokana, bagasangira ibyishimo
Uwamahoro yishimanye n'umukunzi we, atitaye ku myaka hafi 30 amurusha
Uwamahoro agerageza kwinjiza Danczuk mu mazi, kuri hoteli
Baba baceza gake gake batikanga umuntu wese ubareba
Danczuk yashyize umukunzi we mu bicu kubera ibyishimo
Danczuk na Uwamahoro bateganya kurushinga
Urukundo rurakeba hagati y'aba bombi
Bombi bagaragara bishimye kuri piscine y'imwe mu mahoteli akomeye i Kigali
Baba barena akana ko mu jisho

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .