Runtown yaba ari mu Mujyi wa Kigali; biravugwa ko yasuye inkumi

Yanditswe na Nsengiyumva Emmy
Kuya 19 Ukwakira 2020 saa 09:07
Yasuwe :
0 0

Umuhanzi w’icyamamare muri Nigeria, Douglas Jack Agu, wamenyekanye nka Runtown biravugwa ko ari mu Mujyi wa Kigali mu rugendo rwe bwite rudafite aho ruhuriye n’umuziki.

Mu mpera z’icyumweru turangije nibwo amakuru y’uko Runtown ari mu Mujyi wa Kigali yatangiye gucicikana mu bakurikiranira hafi imyidagaduro. Nta mpamvu y’urugendo rwe yigeze itangazwa ndetse nawe ubwe ntaho yigeze agaragaza iby’uko ari mu Rwanda.

Amakuru IGIHE yabonye ni uko Runtown yaba ari mu Mujyi wa Kigali mu rugendo rwe bwite, icyakora urugendo rwe rwagizwe ibanga.

Hari amakuru ku rundi ruhande avuga ko Runtown yaba ari i Kigali aho yaje gusura umukobwa bamaze igihe bari mu rukundo.

Umuntu waduhaye aya makuru yagize ati ”Ari kubarizwa i Kigali, ni urugendo rwe bwite ntabwo yigeze ashaka kurutangaza. Birashoboka cyane ko yaba yaje gusura umukobwa bamaze igihe bashuditse nubwo ntabizi neza.”

Benshi mu bakunze gutumira abahanzi mpuzamahanga mu bitaramo twaganiriye batubwiye ko nabo inkuru zo kuza mu Rwanda k’uyu muhanzi bari kuzumva gutyo.

Umwe mu bamuteguriye urugendo aherutse kugirira i Kigali waganiriye na IGIHE yagize ati” Nanjye ndi kubyumva gutyo, nta kintu yigeze ambwira. Wasanga yaje muri gahunda ze bwite.”

Douglas Jack Agu wamenyekanye nka Runtown ni umwe mu bahanzi bagezweho muri Nigeria, yakunzwe cyane mu ndirimbo ze zirimo iyitwa ’Mad Over You’, ’Lagos to Kampala’ yakoranye na Wizkid n’izindi zitandukanye.

Uyu musore w’imyaka 31, waruhiye uwa kavuna mu Ntara yitwa Enugu mbere y’uko yerekeza i Lagos aho izina rye ryazamukiye, yaherukaga mu Rwanda mu mpera za 2017 ubwo yahakoreraga igitaramo yahuriyemo na Sheebah Karungi.

Amaze gukora album zitandukanye zirimo iyitwa ’From the Keys to the Strings’, ’Become’, ’Runtown’ n’izindi. Iyitwa ’Ghetto University’ yasohoye mu mpera za 2015 niyo benshi bahamya ko yamugize uwo ari we muri iki gihe, kuko yatumye agera mu bahanzi batanu ba mbere bumvwa cyane muri Nigeria inatuma aba umwe mu binjiza menshi.

Ubwo Runtown aheruka i Kigali yakoze igitaramo yahuriyemo na Sheebah Karungi
Mu 2017 ubwo Runtown yari ageze i Kigali yitabiriye igitaramo yari yatumiwemo

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .