Umuraperi P Diddy yashinze ishyaka

Yanditswe na Uwiduhaye Theos
Kuya 19 Ukwakira 2020 saa 12:25
Yasuwe :
0 0

Umuraperi w’Umunyamerika, Puff Daddy [Sean John Combs], yatangaje ashyigikiye Joe Biden ndetse anatangiza ishyaka rishyira imbere inyungu z’abirabura.

Uyu mugabo w’imyaka 50 yabivugiye kuri Televiziyo ye izwi nka Revolt TV, aho yatangaje ko amatora ya 2020 ari ugupfa cyangwa gukira. Iri shyaka yaryise ‘Our Black Party’.

Yatangaje ko ari ishyaka rizibanda ku byo abanyamerika b’abirabura bakeneye. Avuga ko mu matora y’uyu mwaka ateganyijwe ku wa 3 Ugushyingo, Perezida Donald Trump yongeye agatorwa byaba ari ibibazo.

Ati “Mu gihe Trump yaba atowe, ndabyizera mu mutima wanjye ko haba hagiye kuba intambara ishingiye ku moko. Abazungu nka Trump bakwiriye kwirukanwa mu gihugu.”

Avuga ku bijyanye no kwinjira muri Politiki kwe, ari kimwe mu bintu bikomeye nawe yumva yakoze kuva yatangira kumenyekana. Yemeza yahisemo gutangiza ishyaka kubera urukundo afitiye abirabura.

P Diddy yatangaje ko iri shyaka rye icyo rishyize imbere ari ukugabanya ubukene, guhangana n’ivangura, gutanga uburezi bukwiriye kandi buri wese yakwigondera n’ibindi byinshi ariko byose bishingiye ku gufasha abirabura.

Umuraperi P Diddy yashinze ishyaka rigamije kurengera Abirabura

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .