00:00:00 IGIHE NETWORK KN KINYARWANDA EN ENGLISH FR FRANCAIS

Umukino wa nyuma w’igikombe cy’isi wahombeje Drake asaga miliyari 1Frw

Yanditswe na Mahoro Vainqueur
Kuya 20 Ukuboza 2022 saa 07:59
Yasuwe :

Umuraperi Aubrey Drake Graham yahombye asaga miliyari 1 Frw nyuma yo kuyashora mu mikino y’amahirwe (betting) yemeza ko Argentine itsinda u Bufaransa ku mukino wa nyuma w’igikombe cy’Isi mu minota 90 y’umukino.

Drake wari watangaje ko azafana Lionel Messi , nyuma yo kubona ko Argentine iyoboye umukino wayihuje n’u Bufaransa yahise anyarukira mu mikino y’amahirwe (Betting) ashoramo miliyoi 1$ angana na miliyari 1 Frw yemeza ko uyu mukino urangira Argentine itsinze.

Ibi yavuze iyo biba uyu muraperi yari kubikuza miliyoni 2.750.000$, gusa byaje kurangira ahombye ayo yashoye nyuma y’uko iminota 90 y’umukino yarangiye amakipe yombi anganyije ibitego 2 kuri 2.

Hongereweho iminota 30 y’inyongera nayo yarangiye amakipe yombi anganyije ibitego 3 kuri 3 biba ngombwa ko hiyambazwa penaliti, zitabarwa mu bigo bimwe na bimwe bikora iyi mikino y’amahirwe.

Ikigo uyu muraperi yari yashoyemo aka kayabo ntihabarwa iminota 30 y’inyongera ku mikino nk’uko Vulture ibitangaza.

Nyuma y’iminota mike uyu muraperi ahombye aya mafaranga yahise asiba ubutumwa yari yashyize kuri Instagram bwerekana ko yari yashoye miliyoni 1$ y’amadolari mu mikino y’amahirwe.

Si ubwa mbere uyu muraperi w’imyaka 36 ahombye amafaranga angana atya biciye mu mikino y’amahirwe (Betting) dore ko mu Ugushyingo 2022 yahombye asaga miliyoni 2$.

Muri Gicurasi nabwo yashoye 200.000$ muri iyi mikino y’amahirwe nabwo birangira atsinzwe.

Ku mbuga nkoranyambaga ubwo umukino wa Argentine n’u Bufaransa wari urimbanyije abafana ba Argentine batangiye kwibaza kuri uyu muraperi utajya ahirwa ku bintu bimwe na bimwe aba yatangaje.

Amafaranga Drake yari yashoye muri Betting bikarangira atsinzwe
Si ubwa mbere Drake ashoye akayabo mu mikino y'amahirwe ntibimuhire

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .