00:00:00 IGIHE NETWORK KN KINYARWANDA EN ENGLISH FR FRANCAIS

Ukurikiranyweho kwica Nipsey Hussle agiye kugezwa imbere y’ubutabera

Yanditswe na Uwiduhaye Theos
Kuya 15 June 2022 saa 05:06
Yasuwe :

Nyuma y’imyaka irenga itatu umuraperi Nipsey Hussle yishwe, Eric Ronald Holder Jr. ukekwaho kumwivugana agiye kugezwa imbere y’urukiko.

TMZ yatangaje ko hamaze gutoranywa abacamanza batandatu bazakurikirana iby’urubanza rw’uyu mugabo w’imyaka 32.

Iki kinyamakuru cyatangaje ko uyu mugabo yivuganye Nipsey Hussle nyuma yo kugirana ubwumvikane buke kugeza n’aho uyu muraperi yamwise umugambanyi. Aba bose bari bafite aho bahuriye n’itsinda rya Rollin’ 60s gang ryo mu Majyepfo ya Los Angeles.

Muri iri tsinda rifatwa nk’iry’abanyarugomo, kwita umuntu umugambanyi ni ikintu gikomeye cyane ari na yo mpamvu byarakaje Eric Ronald Holder Jr. bikarangira arashe Nipsey Hussle.

Uyu mugabo yafunzwe ubwo yamaraga kwica mugenzi we ku wa 31 Werurwe 2019.

Umuraperi Ermias Davidson Asghedom, wari uzwi mu muziki nka Nipsey Hussle ukomoka i Los Angeles, yarasiwe imbere y’iduka rye riherereye muri uwo Mujyi.

Uyu mugabo wari ufite imyaka 33 ubwo yitabaga Imana uretse we aho yarasiwe hakomerekeye, abandi bantu babiri ariko bo ku bw’amahirwe ntibapfa. Nipsey Hussle yasize abana babiri.

Umuraperi Nipsey Hussle yishwe arashwe
Eric Ronald Holder Jr. ushinjwa kwica Nipsey Hussle agomba kugezwa imbere y'ubutabera kuri uyu wa Gatatu

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .